الله يجزاكم خير اقرؤا قصتي وسا عدوني ارجوكم

بسم الله الرحمن الرحيم
كيفك اخواتي يارب تكونو بخير وصحه اللهم امين
انا بس حابه افضفض واخرج اللي في قلبي عشان ارتا ح والله اني اعتبركم زي اخواتي
مشكلتي اني قبل ما اتزوج كانت علاقتي مع امي علاقه عاديه جدا يعني امي الله يعطيها العافيه ماكانت ليا زي الصديقه يعني انا في وادي وامي في وادي كانت منشغله بمشاكلها مع ابوي يعني انا من يوم ما فتحت عيني دايما مشاكل امي وابوي ما تخلص وكانت عصبببببببببيه لابعد درجه والله كنت اخاف منها يعني امي كانت شخصيتها اقوى من ابوي والله ما كنت اشعر بحنان تجاه امي دايم ضرب وسب وشتم ودعاوي على الحياه اللي هيا عايشتها الحمد الله حياتنا ما فيها شي بس امي من النووووع اللي مررررررررررره عصبيه وتبغى كلمتها هيا اللي تمشي سواء علينا او على ابويا بصرراحه ابوي اتحملها كثير وانا واخواني ما كانت لنا شخصيه وجودنا في البيت زي عدمنا حتى افتكر لما بلغت كنت في المتوسطه ما اعرف شي زي بنات دحين ما شاء الله واللله ما افتكر قالتلي شي او وجهتي يعني ما عندي شخصيه والله اني كنت احس بالفرق مع بنات خالتي ما شاء الله اشوف خالتي كيف مع بناتههم من كلام وضحك ومزح حتى احيان اقول يريت امي زي خالاتي في تعاملهم مع بناتهم شي ثاني اهتمام وحب والله كنت اتكسف من بنات خالاتي لما امي تنادني بدفاشه وكانت تستهزي بيا قدام خالاتي وبناتهم تقول وجع طالعين زي عماتهم اكل ومرعى وقله صنعه والله يبنات البيت كلو مان فوق راسي معدا الطبخ امي كانت هيا اللي تطبخ والبيت كلو عليا من تمسيح وترتيب وغسيل مواعين والله يعزكم عسيل الحمامات وكنيس وكانت بس تشتكي لخالتي عليا كل شي ما تسمع الكلام ولا تساعدني والله كنت احيان ابكي قهر والمصيبه قدام بناتهم والبنات يضحكوووا على كلام امي وتقولهم انا اضربها واكسر راسها ما عندي بنات ما يسمعو الكلام حتى امي دوبها ودوب دراستي لما تشوفني اذاكر تقولي تشردي من الشغل وتسوي نفسك تذاكري الداسه مو مهمه البنت مالها الا البيت حتى والله كرهت الدراسه كنت دايم اتمنى يكون لي خصوصيه زي البنات ودلع ويكون ليا غرفه وسرير وملابس
دايما كنت بقمصان بيت كنت احيان احس نفسي زي الشغالات طبعا امي اللي تشتري الملابس على ذوقها واذا قلتلها امي ما عجني شي ياويلي منها تبي تلبسي البسي ماتبغي وفرتي يعني ما عشت طفولتي ومراهقتي والله يابنات اني احب امي بس امي مره عصبيه ومتتفاهم حتى كنت اتمنى اني اتزوج وافتك من القرف اللي فيه والله حتى النوم ماكنت ارتاح فيه والله اني ما ابالغ المهم جا اليوم اللي اتخطبت فيه وكانت فرحتي شي تاني وغير كده مشاكل امي وابوي في النازل ولما كنت انصح امي كانت ما تعطيني فرصه وتقولي مالك شغل لا تتفلسفي كانت فتره خطوبتي 8 شهور طبعا لا خرجات ولا طلعات ولا شي حتى كان خطيبي لما بزورنا يستاذن من الوالد ولما كان يجي امي تقول لا تخرجي عيب لسه رجال غريب المهم قبل زواجي تقريبا باسبوعين ازدادت المشاكل بين امي والوالد وكان زواجي محدد في الفتره هاذي المهم امي سافرت عند خالي وطلبت الطلاق من الوالد وعشت والله فتره ما يعلم بيها اللي ربي لاجهاز ولا فستان زي خلق الله وكنت اتصل على امي ابكي واقولها يا امي ارجعي الله يخليكي عشان تحضري زواجي واتوسل عليها وكانت ترفض وكانت تقولي ليش تبي تتزوجي بلا قله ادب كلمي ابوكي عشان يكلم الرجال وابوه ما نبغى زواج ولا شي وخليهم يا خذو المهر والله صرت في حاله اقولها ليه يا امي الرجال ابن حلال وطيب وينشرى كانت تقولي اصلا انتي تبغي تتزوجي وتفتكي ورحت قلت للوالد كلم ابو فلان على تاجيل الزواج قلي يابنتي الزواج قرب واللع عيب ما يصير قلت ياايوي مستحيل اتزوج وامي ا تحضر الفرح قالي الوالد لا تفكري في مشاكلي انا وامك فكري في حياتك انتي وزوجك واعتبري من مشاكي انا وامك وتوسطت عند خالاتي يكلمو امي عشان تحضر الزواج وبعد الحاح حضرت وكانت مشترطه لازم الوالد يطلقها كانت تلح المهم انتزوجت ورجعت امي للبيت واستاجرت شقه صغيره واخذت عفش البيت وكان الوالد يلح عليها انها تبطل عناد اصلا امي ما كانت تعطيه وجه كانت تتغطى على الوالد وتلح على الطلاق ومن ذا الكلام وانا والله كان قلبي عند امي وكنت حزينه حتى افتكر ثاني يوم زواجي اتصلت عليا وقالتلي انتي ما تستحي على وجهك تبغي تفتكي ما صدقتي تتزوجي وسكت السماعه في وجهي وسرت ابكي بس ما بينت لزوجي على اللي صار بعد تقريبا حوالى اسبوع ونصف من زواجي ابوي طلق امي وامي جلست في الشقه اللي هي مستاجرتها وشالت عفش البيت من مطبخ ودواليب بس هي واخوي الكبير واصغر واحد كانت عمره ثلاث سنين ولما كنت اروح عندها تتضايق مني وتسمعني كام يعور القلب واقول يا بنت هاذي امك جنتك ونارك وكانت تقولي اصلا من يوم من اتخطبتي البلاوي كثرت ووجه زوجك شؤؤؤؤم علينا وما سمعتي الكلام وكنت اقوله يا امي حرررام عليك ايش دخل زوجي في الموضوع اصلا ايم المشاكل بينك وبين ابوي تقولي يا عاقه وتسبني وكنت اسكت اقول يلا من الحره اللي هيا فيه مر على السالفه حوالي 5 سنين الحمد عندي ولدين الله يخليهم ليا ويكونو صالحين يارب بس امي ما تعطيني وجه وتكره اولادي احس ضايعه كل ما تفرب منها ما تعطيني وجه ولا تسال عليا ولا شي حتى اولادي الصغار لما اروح عندها تكرهم تصرخ عليهم وتضربهم وغير كده تكره زوجي خير شر مع انو زوجي يحب امي وحاطهها فوق راسه ادعولي ان الله يهدي امي ويخليها لنا لمن اطلقت صارت كتير الانعزال وتهتم بنفسها ومره من المررات كنا مستاجرين شاليه وعزمت عليه تجي هي واخواتي المهم قالتلي انا ابي غرفه لحالي قلتلها والله يا امي من عيوني كنت احتار عشان ارضيها جو اهلي وفي اليل حوالي الساعه 3 كنت صاحيه مع ولدي ما نام المهم سمعت امت تتكلم بالجوال قلت يمكن مع خالاتي ولما جاسه اتدقق اتاري امي تتكلم مع رجال خلااااااااااااااااااااااااااااااااااص انا مني قادره اتكلم واسوس شي واصلا امي مره اتغيرت 180 درجه حتى جوالها ما تمسكو لاخواني يا ويلهم منها يا بنات سسسسساعدوني ابش اسوي والله خا يفه على امي ولا تنسو امي شخصيتها قويه حتي على اخويا الكبير تهزئ فيه وتستحقره قوللي ايش اسوي والله دايم افكر وفي نغس الوقت مصدومه ساعدوني الله يرضي عليكم لو بدعوه وسامحوني على الاطاله