الله يجزاكم خير تساعدوني

السلام عليكم
كل عام وانتم بخير
كيف حالكم جميعا بنات انا بدخل في الموضوع على طول وهو يتعلق بالمس والسحر يابنات انا من اربع سنين مريت في ظروف مايعلم بها الا الله واعتقد انه وصلت للاكتئاب لكن بفضل من الله بعده بسنتين قدرت اتغلب عليها بالاستغفار والله انه نفعني والحمدلله لكن احس انه بين كل فتره وفتره احس انه يطلعلي شي لدرجة اني اوسوس واحس اني بنفجر من كثررة الوسواس انا قريت في المواضيع بعض الاعراض عن العين والسحر والمس و من السنه الي طافت يعني صارلي سنتين الحين وانا اوسوس واحس اني زدت الحين لدرجه انه النوم في الليل لوحدي مااقدر لازم زوجي عندي حتى في الاجازه الصيفيه مرت علي اتعس اجازه مع انه عيالي وخواتي يرقدن عندي بس ماكنت ارقد كنت وايد اخاف ويتهيالي طبعا انا مااشوف بس احس اني بشوف شي يخوفني ومن فتره لما ارقد واقوم فجاه احس خطوط مرسومه على الطوفه واحس احد يدق باب الغرفه علي حتى اني اتوقظ وفيه مره كان عندنا عشا وطبعا انا الي كنت قايمه فيه ومرتبتنه وعندا حريم وقاموا يمدحون فيه مع العلم اني من النوعيه الشغوله وبعدها بفتره كنت نايمه وحسيت شي دخل فيني وكنت ابي اتوقظ بس ماقدرت بس الا جاء في بالي اني اقرا اية الكرسي وشوي شوي بدا شي يطلع على فوق من راسي حسيت راسي بينبط وبعدها توقضت على طول طبعا كنت وايد عرقانه وقلبي يخفق من الخوف هذا الشي صارله تقريبا ثلاث شهور واحيانا ماحب اواجه الناس وفيه ناس لما اسولف معاهم اضحك شوي وبعدين احس ويهي ينقلب كاني ابي اصيح والحين بديت اوسوس انه فيه احد مسويلي بس انا انسانه متعلمه ومثقه مابي احط هذي الشغلات في بالي ابي اكون نفس قبل قويه ومااخاف واواجه الناس ياليت يابنات تساعدوني ترا ماصارحت احد الا انتم لانيادري انكم نفس خواتي وبتساعدني ولي مرت بحالتي ياليت تقولي وابي اعرف انا شوفيني بالضبط ولاتقولولي روحي لشيخ لان زوجي ماب يرضى وبيقولي مافيت شي لاني مااقوله بالي في خاطري دايما اكتم في نفس والله يريح بالها دنيا واخره الي بتقولي وش فيني واسمحولي طولت عليكم الله يجزاكم خير