الله يجزاكم خير تعالوا شوفو لي حل ..

السلام عليكم يابنات حواء

انا متابعتكم من مبطي بس توني قررت اكتب لكم جزء بسيط من معاناتي

اول شي اعرفكم عل نفسي عمري 24سنه وزوجي عمره 27سنه متزوجه من 4سنوات عندي ولدي وحامل بالثاني <<الله يسهل علي

فيه فرق بين المستوى المعيشي بينا بس والله ولا مره حسسته بكذا ابدا" بالعكس

بس فيه مشكله مو مخليتني انام

زوجي قبل فترة يمكن من سنه او اكثر مر بضائقه ماديه(والله مومني دفع لاخوه مبلغ كبير لانه تصدام مع سياره وكان يودي اهله البحرين ويسوي لهم ويفعل ويصرف كانه مليونير لين صار مديون ب 100,000 ريال

وبعت له جزء من ذهبي وهذي اكبر غلطتي وفي رمضان الماضي قدم عند الشؤون وتوه عطوه 7500 ريال ومن قدم وهو واعدني انها لي
ولما نزلت قالي الاجار بيحل قريب خليني اعطي راعي العماره 6500 ريال الاجار وابوي بعطيه 1500 ريال قلت اوكي بس انا ابغي فلوس خبركم حامل والملابس كلها ضاقت علي لاتعطي ابوك قالي طيب

وبعد كم يوم سألته دفعت الاجار قال اي قلت الحمدلله ووعدني يقسط لي الفلوس كل شهر 1500 ريال وبالصدفه يوم الاربعا كان ساحب فلوس وشفت الورقه حقت كشف الحساب رصيده فيه 5000 وشوي سألته دفعت الاجار قال لاا ماحل قلت له والفلوس موجوده قالي لا باقي 5000 بس اثاريه الاخ معطي ابوه فلوس ومسدد لهم مادري شنو ومودي اخوه الصغيره المدينه وانا اللي حارمه نفسي من اشيا كثيره ومتنازله

احكي لكم عن وضعهم بالبيت(ابوه عنده ورشه بس مو متفرغ لها يدوب تأكلهم واهم 7 انفار بالبيت وامه يجيها ورث 7000 بس ماتحب تعطي ولا احد يدري متى تجي واذا سألوها تقول كنت متسلفه وسددت وماعندي وانا اشوفها والله كل شهر تجدد لبناتها كل شي ملابس للطلعه وملابس للبيت وجواتي واكسسوارات وكلهم ماركات)

تعبت يابنات وافكر ارسله رساله لانه عصبي وماحد يقدر يحكي معه مايعرف يتفاهم وامه تقلب السالفه علي واهلي مسافرين وماني عارفه شو اعمل

بليز شورو علي يابناااات تعبت نفسيتي زفت منه ومن الحمل