اول شئ تجاهلي الوسوسه تماما ولا تقاومينه لان بيقوى زياده
وسوي علاج سلوكي الي هو التعرض للوسوسه وعدم الاستجابه
يعني في الصلاه لما تجيج الوسوسه لا تستجيبين وتعيدين لا صلي بخشوع لين ما تخلصين
شوفي في البدايه حتتعبين وبعدين يصير سهل والشيطان بينطم شوي
واذكري الله وايد حتى في اوقات فراغج
كرري ذكر لا حول ولا قوة ال بالله ولا اله الا الله وحده لا شريك له له الملك وله الحمد يحي ويميت وهو حي لا يموت بيده الخير وهو على كل شئ قدير
وروحي الدكتور يكتبلج دوا زين
انا قريت في النت ان احسن دوا الدكاتره ينصحون فيه هو الفافارين مدة ست شهور الي سنه بيروح الوسواس ان شاء الله
ولازم تقرين القرأن الكريم
واشغلي وقت فراغج بشي مفيد
وان شاء الله بيشفيج الله سبحانه وادعيه وااايد


انا بقولج اول لما كنت اسوي العلاج السلوكي كنت اتعب وبعدين
سبحان الله صار لما اذكر الله بسرعه تروح الاعراض الوسواسيه الحمدلله وصار الشيطان ينطم بسرعه
كل ماييج الوسواس اضربيه بعصا الذكر
والمشايخ بعضهم قال للي عنده وسواس يقرأ سورة ق انا لما قريتها حسيت براحه الحمدلله
وبشرينه لو راح عنج ان شاء الله


في حفظ الرحمن ورعايتة