الله يجزاكم خير مساعده بخصوص اب ظالم حسبي الله عليه

بنات اختي تطلقت من زوجها لانها مأهوب كفو ومن يوم تطلقت وزوجها حسبي الله عليه جالس لها في البنات يبي ينتقم منها وراحو فيها البنات مساكين رفعت عليه قضيه حضانه وضم وكسبتها والآن نفقه صار يقطع المصروف ويقول مايقدر الا على 500 ريال حسبي الله عليه مع العلم انه دكتور عقيد في المستشفى العسكري دارس برا ومآخذ شهادات وراتبه لايقل عن 400000 الف وفي الأجازه هذي مسافر لثلاث دول خارج المملكة وساكن في احسن الفنادق ومسوي حفل تخرج لنفسه ودافع في الكيكه 5000 آلاف ريال والآن عند الشيخ يقول ماعندي الا 500 لكل وحده هم ثلاث بنات حسبي الله عليه والشيخ قال بنرفع الامر لهيئة الخبراء عشان يحققون في راتبه وجايب أوراق يقول عندي التزامات ماليه حسبي الله عليك التزامات ماليه وانت مسافر وموسع صدرك مو مشكله وسع صدرك بس قم بواجبك كأب وأصرف علو بناتك اللي بأسأله هل ممكن يرضى الشيخ بمبلغ 500 معقول وهو ماعليه عقيد ودكتور وعنده مصادر دخل ثانيه فيلا وشقق للإيجار؟؟؟ الشي الثاني وكيله وهو طالع من المحكمة هدد اختي انه يسحب الملفات من مدارس البنات العالميه اللي يدرسون فيها ويحولهم حكومية هل يقدر يسحب ملفاتهم ؟؟؟ الله يسلط عليه منهو أقوى منا يارب اذا سحب الملفات بدون امهم هل تقدر تشتكيه عند الشيخ انه تعرض لمدارس البنات وهذا شي يضرهم لانه حضرته هو اللي درسهم برا ولما جو السعوديه سجلهم في العالميه ولأنه طلق امهم يبي يسحبهم ويخرب عليهم بس عشان امهم تركته اقسم بالله انه إنسان حقير قدام الناس انا الكويس واللي اخدم الناس ومع بناته ظالم الله يأخذ حقنا منه يارب انقهرت على البنات يقولون وش ذنبنا يسوي فينا كذا عنده بنت شاطره مررره وذكيه ومتفوقة وبيخرب عليها عشان لعانته وحقده حسبي الله ونعم الوكيل بنات افيدوني الله يجزاكم الجنه الجلسه بعد اسبوع ان شاء الله