السلام عليكم ورحمة الله وبركاته
ابي طريقة بيتزا تكون اللذيذه وياليت تزودوني بالصور لان طريقتي اللبيتز ما تضبط الله يجزاكم خير
كريستاله مجروحه @krystalh_mgrohh
عضوة نشيطة
يلزم عليك تسجيل الدخول أولًا لكتابة تعليق.
مشكوره اختي ملاك الله يعطيكي العافيه وجزاكي الله خير ابجربها بكره واردلك شكلها حلوه
يا عمري اذا ما قدرتي تنزلين الصور مايحتاج خلاص
يا عمري اذا ما قدرتي تنزلين الصور مايحتاج خلاص
الصفحة الأخيرة
وبانزل لك صورة البيتزا ...عاد سبحان الله امس والله سويتها ..
اولا المقادير :
1 كاس ماء دافي
1م كبيره خميره
فنجال قهوة سكر
شوي ملح
بيالة حليب بودرة
بيالة زيت
تقريبا كاسين ونص( اقل او اكثرشوي) طحين كويتي <<<< ولازم كويتي ولا ماتضبط
.....
الطريقة
تحطين كاس الماء والخميره وتذوبينها زين بعدين تحطين فوقها السكر وتذوبين السكر زين بعدين تحطين الزيت والحليب
والملح وتخلطينهم ... بعدين تعجنينها بالطحين ولاتكون العجينه مره ناشفه يعني لازم شوي تلزق بالايدين
...
بعدين ادهن ايدي شوي زيت واغطها بالطحين واكور العجين على حسب حجم البتزا اللي ابيها
وكل مره ادهن يدي زيت وطحين ..
انا امس سويت البيتزا كبر صحن البياله تقريبا ...<<< تشبيه خطير
بعدين ادهن الصينيه زيت وطحين واحط فيها العجين واغطيها زين لحد ماتتخمر بعدين افردها شوي بايدي مو بالفراده
ولاتكون خفيفه يعني يادوب تسوينها على شكل دائرة
بعدين تحطين عليها الحشوة اللي تبينها وتغطينها زين لحد ماتختمر زين وانتبهي عاد هنا ان الصينيه ماتتحرك كثير
لانك اذا حركتيها بتهبط العجينه وماتكون هشة ...
العجينه بتكبر بقووووة يعني بيتضاعف حجما بقوة .... ولعي الفرن من تحت وخليها تقريبا نص ساعه عاد على حسب حراره الفرن وانتبهي لاتنغزينها بشي <<< عجينه حساسه .. لين ماتشوفين اطرافها تحمرت بعدين ولعي الفرن من فوق خليها يادوب تتحمر ... واذا طفيتي عليها النار حطي الجبن وخلي الجين يذوب على راحته من حراره البيتزا
وبالهنا والشفاء ...
وابشري ان شاء الله اصور لك الطريقه اول باول وارسلها لك .... باذن الله
وعلميني اذا ظبطت العجينه
ترى بتاخذ وقت في تصليحها يعني اعجنيها من بدري ...
اختك ...ملاك