الله يجزاها الجنة اللي تقدر تفيدني من بنات الرياض(بدل عسكرية للأطفال)

انا اول وحده ارد عليك خصصي لي دعوه بالنسبه لطلبك بسيط تلقين في كثير من الشوارع خياط بدل عسكريه روحي له وخليه يفصل المقاس اللي تبين وعادة خياطين البدل العسكريه يكثرون في الاحياء اللي قريب منهم منطقعه عسكريه لو قلتي لي وين ساكنه يمكن اقدر احدد لك اتمنى اكون افدتك*****************

الله يجزاك خير ياأم توتو ويرزقك من واسع فضله
طيب خياطين البدل العسكرية احصل عندهم شارات ونجوم تكون مناسبة بحجمها للبدلة ؟ الخامة وتفصيلها مو مشكلة مشكلتي بالرتب اللي عليها..
أنا شمال الرياض ...

فية في شارع صلاح الدين في الملز وفي الديرة محلات تفصيل للبدل كل المقاسات والرتب بعد..

فيه محلات كثيرة زوجي مفصل لولد اخوه بدلة وفيها رتبة واسعارهم بين 200 و 300

الله يجزى كل من ردت الجنة ويسعدها دنيا وآخرة..