الله يجزاها الجنه اللي تدخل

شوفي فوائد الزيتاللي عندي و ابشررري بالخير



.

هلا والله
ام يارا الله يجزاك الجنه مشكوره والله لكن انا مابي استدم الكيراتين ابي شي دائم

واختي غرام مول بغيت اسالك الزيت كم سعره و متى تطلع نتايجه وهل هو مضمون والله لادعي لك بالجنه

نفسسس حالتكك وزياده عنكك يتساقط


الله يكون بالعون

اذا تعانين من التساقط انصحك بالمحلب عجزت وانا انصح فيه بس محد يسمع ولاحد يتحمل شوفي توني كتبت رد لوحده وبرجع انسخه لك ..
شوفي اضمن لك بعد ربي ان جربتي اللي اقول لك ان يكثف شعرك ويوقف تساقطه ..
بس تكفين لاتطنشين النصيحه لانها وربي مفيده ولها اثار ايجابيه واضحه ..
اول شي بقولك واقول لكل وحده تعاني مثلك ..
الزيوت ماتكثر الشعر اطلاقا ..
الزيوت ترطب تنعم تشيل التقصف بس
اما التساقط ممكن يزيد مع الزيوت ..
ثاني شي
انصحك بشي عجيب لو داومتي عليه بيتغير شعرك ..
المحلب مو الحلبه لا المحلب اذا انتي بالرياض تلقين الاصلي منه بعطار شجرة المدينه باسواق المجد او بن منقاش بعد حلو ..
المهم
خذي لك محلب وجيبيه للبيت واطحني كميه منه ..
ثم جيبي 3 ملاعق محلب مع كاسة مويا وحركيها ثم صبيها فوق راسك ..
اتركيه اقل شي 5 ساعات وممكن تخلينه لليوم الثاني وغسليه بشامبو بدون بلسم واذا شعرك خشن وتحتاجين بلسم حطي بس بالاطراف الجذور لايقرب لها البلسم لانه يطيح الشعر ..
عندك شامبو الشعلان الاحمر الاقديم او بيبي جونسون ..
صدقيني من اول مرا بتلاحظين الفرق وبتدعين لي ..
ويوم عن يوم بتشوفين الفراغات صارت صغيره لان المحلب ماده قابضه ويمسك الشعر لايطيح ..
ثاني شي ..
انصحك بموية البصل روعه لتقوية الشعر ووقف تساقطه وتقوية البصيلات وانبات الشعر بسرعه عجيبه ..
شوفي ياقلبي ..
خذي لك بصله ويفضل البصل البنفسجي وحطيه بالخلاط مع فنجال مويا ..
واخلطيه ثم صفيه زين خذي بس المويا ..
ثم صبيه فوق راسك واتركيه 5 ساعات بعد واغسليه ..
ثم بخري شعرك وهو رطب وحطي مخمرية شعر على الاطراف بس وبتخف الريحه واللي يبي الزين يتحمل ..
هالبرنامج لو استمريتي عليه شهرين بس قسم ليتغير شعرك بعد ربي ..
مو يوم يومين وتزهقين .. قسم ربي يشهد وانا صايمه انا لك ناصحه ومجربه ..
البصل خليه مرتين بالاسبوع بس بنفس الايام يعني مثل سبت وثلاثاء الاسبوع اللي بعده نفس الشي سبت وثلاثاء ..
اذا ماتبين اقل شي مرا بالاسبوع البصل ..
المحلب خليه 3 مرات يوم ورا يوم والنتيجه روعه بتنهبلين منها ..
ولا تخافين لو جفف شعرك شويه لان من واقع تجربه كل الاشياء اللي تكثف تنشف الشعر بس ماعليك لاتخافين لان المحلب يفرد الشعر بصوره عجيبه ويكثره ..
لاتنسين تدليك فروة راسك بلطف لمدة خمس دقايق لما تحطين البصل او المحلب ...
انصحك بفترة العلاج بفيتامين البايوتين 2500 تلقينه بجي ان سي ارمال روعه هالفيتامين ..

بالنسبه لتنعيم الشعر انصحك بزيت الجرجير روووووووووووعه للشعر اقوى شي ينعمه بقوه + زيت فاتيكا + زيت جوز الهند ..
كلها تنعم الشعر ..
وتكفين ادعي لي بالتوفيق والسعاده والصلاح ..

اذا على التقصف مايروح الا بالقص