الله يجزاها الجنه اللي تدخل وترد

امممم والله مدري وش اقول لك بس الزمي الاستغفار وتشوفي العجب تقريبا انتي نفس حالتي ودي اروح بس زوجي لا على طووول ومااروووح كثير ابدا بس انا بعيده عن اهلي واحمدي ربك والله حالك احسن من غيرك طيب انتي اعزمي عندك انا كذا اذا جيت ابطلع ورفض اسكت واعزم من وراه واقوله فلانه دقت بتجي والله يسكت لو قلت بعزم لا على طوووول والله رحمتك مرات تمر علي الحاله والله ممل اهم شي جمعات حريم وسوووالف

يا حبيبتي الله يعطيك على قد نيتك وحبك للناس بس نصيحة مني اللي يسويه زوجك ترى فيه نسبة كبيرة من الصحة والراحة النفسية وهو لو انه ماشاف هالشي صدقيني ماراح يتخذ هالقرار من بعد ماكان هو اللي يوديك ويجيبك عندهم سبحان الله يمكن سمع كلام او شاف شي ماعجبه ومو حاب يقول لك عليه فإتخذ هالموقف وبيني وبينك احسن لكم والله ترى مافي من الجمعات غير الشر و الحسد والعين حتى ماشاء الله يستكثروا يقولونها وربي محد حرقني وابعدني عن زوجي وحرمني من حياتي اللي ماكان في احلى منها غير نظرات الناس والحسد والسحر اللي جاني وربي مو عين عيووووون كانوا يقولون لي بوجهي انتي محظوظة على هالزوج اللي يوديك ويجيبك ومن كثر حبه لك حتى مايخليك تقعدين معانا من كثر مكالماته لك من اول ماتقعدين والحين انا في بلد وهو في بلد ولا هو داري عني ولاني دارية عنه :44: ما اقول الا حسبي الله ونعم الوكيل على كل من ضرني بنظرة او نفس او عين او سحر الله يذوقهم المر اللي قاعدة اذوقه وما اسامحهم لا دنيا ولا اخرة ومدري والله وش رأي اللي بعدي لكن من وجهة نظري انا دام زوجك وعيالك معك وهو يحب هو بنفسه اللي يطلعكم ويجيبكم حتى لو يوديكم مطاعم وشاليهات بنفسه وش تبين اكثر من كده؟ زوجك وعيالك معك يعني الدنيا معك واهلك عشان ماتكوني قاطعة بهم واصليهم بالتليفون او انتي اعزميهم عندك بين فترة وفترة وغيرهم من الناس عنك ماتواصلتي معاهم ترى مبين عليك مرة طيبة والطيب هالأيام ينظلونه بسرعة ويخلونه يتحسر على طيبته الزايدة اللي بصراحة مالها داعي هالأيام مع ناس مايجي منهم خير.. تراك قلتيها بلسانك أهلك وهم أهلك مايعطونك خير تبين الناس الغريبة تعطيك خير؟؟ ياختي حصني نفسك واحمدي ربك ان زوجك وعيالك لك واتركي الباقي وراء ظهرك.. الله يوفقك ويستر عليك بس حبيبتي..

اميرة القلعه الله يجزاكي الجنه ويجبرخاطرك مثل ماجبرتي بخاطري ورديتي

يختي كيف اعزم وهو جالس في البيت؟؟؟؟؟؟؟؟؟؟؟؟؟؟؟؟؟ من يطلع من الشغل الى وقت النوم

واناساكنه في شقه صغيرة عزمت كذا مرة من وراه واقوله بيجوني بنات عمي ولاخالتي صح يطلع بس يقعدزعلان

كم يوم!!!!!!!!!!!!!!!


الله يفرجها علي وعليك يارب


يالبى عيون زوجي جزاك الله خير ياعمري

وفعلاكلامك عين العقل

بس معقوله اقطع كل الناس طيب الى متى؟؟؟


والله اني ماحب اغتاب واللي اروحلهم بعدناس طيبين او على الاقل كذا انااشوفهم


جزاك الله الجنه وربي يسلم قلبك ويجمع شملك بزوجك قريب ان شالله

أولا فعلا ألتزمي الرقيه يمكن فعلا كسل زوجك المفاجأ وراه شي الشي الثاني كلمي أبوك يكلمه وطلعات المطاعم والمنتزهات مو ضروري خلي كل أسبوع تروحون لناس أو شوفي هالسواقين اللي للمشاوير الخاصه وربي يسخر لك

ياعمري عليك الززززززززززمي الاستغفار والاذكار

والله يكون بعونك وترجعون مثل اول واحسن ان شاء الله

ويحنن قلب أهلك عليك يارب

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ