الله يجزاها الجنه اللي تساعدني في الصالة.........

المجلس يصلح له بويه الوردي اللي جاي على بني عرفتيه؟ اللي يجي غامق وباهت او عنابي
اما صالتك يبغالها قصه طويله وانا من رايي لازم تعتيق بس لاتعبينها اثاث مليها حركات رمي من جهه صوفه طويله والكرسي اللي معاه كرسي صغير حق التمديده وقرأة الجرايد ومن جهه حطي كرسي هزاز بس شكله حركه وبعدين جيبي مخدات رمي واكسسوارات ومدات صغيره بس حاولي تاخذين اشياء عمليه وحلو شكلها لانها صاله

بالنسبة لصالتك .. على الكنب اللي تحسيه مناسب .. من ناحية السعر والموديل .. وبعدين اذا حصلتي الكنب اللي يناسبك شوفي لونه اشلون وامشي عليه .. ؟

يعني خلنا نقول شفتي لون عنابي .. للكنب .. او بني .. حطي معاهم بيج لان يناسبهم اثنينهم .. والاخضر بعد حلو وياهم ..
يعني ما اقدر اقول لج هذا اللون احسن واحلى .. ولما تروحي تشتري الكنب ما تلاقين نفس اللون .. اول شوفي الكنب اللي يعجبك بعدين نسقي الالوان اللي تناسبه ..

انا افضل الساده اللي يجي وياه قماش ثني مقلم او منقش بنقوش صغيرة ..

بعدين عاد تحطي معاهم اكسسوارات .. ذهبيه فضيه .. او من نفس الالوان ..

عندج الجدار تقدرين اتسوين رسومات فيه بالاستنسل .. من نفس اللوان الكنب ..

بس احس الابيض باهت ؟؟ ليش ما صبغتوه على الاقل بيج او اوف وايت ؟؟

شوفي اذا في امل تغيري اللون .. قبل التأثيث احسن لج ..

الله يوفقك في اختيار الالوان ؟

ايه صح المجلس احس الاخضر اليموني حلو عليه ..

تالا ..............وغلا الروح
الله يوفقكم دنيا واخره ويجعلها في موازين حسناتكم.......
والله اني استفدت كثير من الافكار .........يعني حتى لو بسوي فكرة وحدة من افكاركم في الصاله باقي افكاركم بستفيد منها في مقلط الحريم والرجال ........
سؤال للاخت غلا الروح: ايش هو رسم الاستنسيل؟؟؟
الاخت تالا: يعني تقصدين ما احط طقم كنب كامل؟؟؟؟ اصلا انا الصالة ماراح يجلسون فيها حريم لانها مكشوفه علي قسم الرجال يعني ابغا بس احط فيها كنب ديكور وفكرتك حقت الصوفه حلوة بس مافهمت الكرسي اللي تقولين ؟؟؟؟
مشكوررررررررررين ........

رسم استنسل ..

شفتي الشريط اللي يفصل الجدار نصين ..تقدرين اتسوين جذي بس بدل لا تشترينه جاهز وتلصقينه على الطوف سويه بروحك .. عشان يصير مميز اكثر .. تقدرين تسوين جذي في الصالة تكسرين اللون الابيض بطريقة غير مكلفة ..

تأخذين رسم جاهز وورق استنسل متين يكون شفاف وتطبعين الرسم اللي يكون خاص بالإستنسل .. وتفرغين الرسم بالقاطع وتملئين الفراغات بالألوان بغستخدام الإسفنج ..

سوي بحث في قسم الفن والاشغال اليدوية وبتحصلي مواضيع كثيرة عنه ..

واذا ما حبيتيه .. تقدرين اتضيفين اي حركات او اي رسومات على الجدار عشان تضيفين لمسة جمالية عليه بدل اللون الابيض الساده ..

تمنياتي لك بالتوفيق