اكثري من الدعاء ان الله يحنن قلبها عليك

هلا حبيبتي اقولك بيني وبين اختي 5 سنوات انا اكبر منها طبعا بس ياويلي اذا لمست شي من اغراضها كذا ماتحب هي طبعا كذا مره تهاوشنا بس بعدين خلاص عرفت هذا طبعها مااقدر اغيره والحين انا تزوجت وطلعت من البيت والله ساعات اجيهم وانا معصبه من زوجي مثلا تلاقيني احط حرتي فيها وهي ياحرام مالها ذنب اعذريها ترى اول سنه زواج اصعب شي عالوحده طولي بالك وهي بتتغير ان شاء الله

انا مثلك بس مو اختي اخواني كلهم مسوين علي حزب تكفون يابنات ادعولي انه ربي يحنن قلوبهم علي

ماادري وش اقولك
شي فعلا يقهههههههههههههههههررر
لوصار معي كان ذبحتهاااا وافتكيت
الله يحننكم على بعض
اكتبي لها رساله بكل الي بقلبك وحطيها بشنطتها
وادعي بهاالشهر الفضيل
وهااه...... انظري وراك لايكون احد شايفك وانتي تكتبين ويعرفون معرفك ههههههههههه

انا اشوف انك تقعدين معها في ساعة تكون مروقه فيها ومبسوطة ومزاجها مرتاح وتصارحينها وتعاتبينها بس بأسلوب حلو وتسألينها عن هالجفاء الي بينكم واذا كان فيه موقف سبب هالجفوة يمكن اهي شيلة بقلبها من موقف سابق
او ممكن تكتبين رسالة لها لان بالرسالة تقدرين تقولين الي بقلبك اكثر من المواجهة ويكون الاسلوب حلو ومؤدب وحطي فيه عبارات تدل على انك تحبينها وانك مالك اخت غيرها وتبينها تكون لك سند وعون وانك تشتاقين لجيتها ومن هالكلام وعسى ربي يحنن قلبها عليك ويفرج عنك يارب وويصلح بينكم ويبعد عنكم الشيطان يارب