الله يجزاها الخير الي تفسلي حالتي شي غريب

السلام عليكم رحمته الله وبركاته

انا اليوم جيت اكتلكم تجربتي في الرقيه الشرعيه
انا ليا كم يوم اقعد في الليل يعني قبل الفجر واشغل الرقيه واحط السماعات على اذني واقعد في المنتدى افرفر وبس مااحس بشي غير شي بسيط مرره الا هو صوت من بطني بس مو دائما امس جربت ايات الصاعقه 6 الي حطت رابطها وحده من الاخوات في هذا القسم المهم امس سمعتها في البدايه ماحصلي شي وبعدين بعد الفجر شغلتها ووحطيت السماعه في اذني ونمت وحست نفسي مو قادره انام يمكن تقريبا قعدت حق نص ساعه واكثر وبس بعدين حسيت بشي غريب الي هو اني اسمع مع الرقيا صوت اغاني وغطاريف شوف كأن التلفزيون مشغل على اغاني وكاني قمت اسكره في العلم اني ماقمت من مكاني ولا سكرته
واسمع اصوات صجه واسمع احد يدف كرسي مع انه ماكان عندي احد اصلا كان الوقت صباح والبيت هادء وبعدين احس نفسي ابغى اقوم مو قادره كأني مربوطه وابغى اصرخ ولساني كانه مربوط وبعدين قلت اعوذ بالله من الشيطان الرجيم حست جسمي فك شويا
في العلم اني ماكنت احلم كنت كأني صاحيه مو نايمه
وبعدين لمن قمت ظهري صار يعورني مرره
سؤالي هل هذا اثر الرقيا ؟
ريحوني