والله نفسي انتي قلت يمكن حامل وفرحت شوي وبعدين ضحكت على نفسي كيف احمل وعندي تكيسات ولخبطه بالهرمونات وارتفاع هرمون الحليب وضعف في المبايض وجلست شهرين وحللوني وكنت متوقعه ارد وماتحمست وفعلا قالو سالب وعطوني حبوب ولا أكلتها بسرعه جلست زياده اسبوعين قلت يمكن لعل وعسى :) وبعدين توكلت على الله وأكلتها وامس نزلت نقطه وخلاص وانتظر تشرف وانا سمعت عن جيهان ناس يمدحونها وناس لا بس اعتقد كويسه ان شاءالله ونفسي اعرف عندها تحليل ولا كيف ؟ سمعت انها من كلام المريضه تشخصها

يابعد قلبي ضحكت علينا سبحان الله نفس الاعراض
بس انا مااتوقع ان هرمون الحليب عندي مرتفع
بس بسالك انتي وزنك زاد مع التكيسات والا لا
وعندك اطفال قبل اولا
انور جيهان معروفه من اكثر من 30 سنه
امي كانت عندها وخواتي وام زوجي
وكلهم قالوا لي روحي بس انا فيني برود موب صاحي

شوفي توقيعي وتعرفين :)
ماعندي عيال ولا قد حملت ابد ادعي لي الله يرزقك بذريه الصالحه ويخلي لك ربي ماعطاك ويحفظهم ويجيب لهم اخوان وخوات وانا يارب وكل محرومه وعلى فكره انا وزني يفشل ههههههههههههه 87 مره سمنانه وكل ثلاث سنوات عشره كيلو زياده:( ادعي لي بليز

ياعمري توقيعك ماهو موجود
امين يارب الله يسمع منك
ويرزقك ربي عاجلا غير اجل بتؤام ان شاءالله
اما الوزن انا مثلك زايد الطايق مطبوق

انا بكتب لك اشياء مجريتها وحدة اعرفها شخصيا و الحمد لله ما شاء الله شفيت و الفال لك

انصحك بالحجامة جدااااااااااااااااااا مهمة
و ترى الحجامة ما تخوف
و الحمد لله نتائجها حلوة
و اي سؤال عن الحجامة و كيفيتها فأنا حاضرة
و انتي سوي بحث في الانترنت و شوفي عجائب الحجامة عشان تتشجعين اكثر

اذا كان وزنك زائد ضروري جدا تنزلين من وزنك
و تبتعدين عن الشوكولاتة و الحلويات و المقالي و الدهون قد ما تقدرين
لان زيادة الوزن من اهم اسباب التكيس

و مثل ما قلت لش سوي هذي الاشياء
عدم اكل الدجاج و الاقلال من الحليب و منتجاته لانها كلها مهرمنة

-الرياضة جدا مهمة و خصوصا رياضة اسفل البطن
-و هذا التمرين جدا مفيد للتكيس
و انتي مستلقية على ظهرك نفخي بطنك لمدة 7 ثوان ثم شديه بقوة لمدة 3 ثوان
و دائما كرري هذا التمرين


من الاشياء المفيدة شرب الشاي الاخضر يوميا و ايضا عصير الاناناس لكن بدون سكر عشان تذوب الدهون

و اخيرا روحي العطار و اشتري القسط الهندي و هذه العشبة عنية عن التعريف بحثي في النت و شوفي خذي منها ملعقة صغيرة صباحا و ملعقه صغيرة مساءا
و ان شاء الله يروح التكيس و احيانا في نفس الوقت اذا راح التكيس تتنشط المبايض
واذا راح التكيس و المبايض ضعيفة راسليني على الخاص و بكتب لك اشياء تنشط المبايض

دائما خلي لسانك رطب بالاستغفار
و اي سؤال انا حااااااااااااااااااااااضرة
و لا يردك الا الكيبورد
و انا بالخدمة

و لا تنسيني من دعائك لاني بحاجته