الله يجزاها خير اللي تعلمني وشهو الرز البني

هذا الله يسلمك رز الصياديه.
يحمسون البصل حتى يقارب الي السواد
أو البني الغامق.
وبعدها يوضع عليها ماء مغلي وبتشوفين لون الماء تغير
ثم تشخلين البصل وتحطين الرز والتوابل الي تبغين
هيل ورق غار مسمار دارين حسب رغبتك.
ياليت يكون هذا الي تقصدين.

صح كلامك ياخت مصبوبه وممكن بدال البصل تستخد الشعيريه الرفيعه تحمسها من دون دهن لما تحترق بس مو حيل وتضيفينها لماي العيش ومعاه البصل المحمر

هل تقصدين رز الصيادية كما قالوا الاخوات ام ان المقصود الرز البني تبع الرجيم

جزاكم الله خير وفي ميزان حسناتكم
انا اعرف رز الصياديه وكلته قبل كذا بس اللي اقصده انا الرز اللي يكون شوي فيه دسم ومعاه لحمه ..........
اكلته كثير في مطاعم الطايف
ومشكورين على تجاوبكم

أم الحلوين هذي طريقة جدتي وأمي وألحين طريقتي أحنا نسويه بكثرة في الشتاء يدفي

رز وأنا ما اتقيد بمقداره تقدري تقولي 3 أكواب - بصل مفروم وسط حوالى 3 بصلات كبيره - طماطم مقطع مكعبات متوسطة - فلفل بارد ( فليفلة خضراء) مقطع مكعبات صغار - ثوم حوالى فص واحد مهروس - تابل + أسبنت مفرومين ناعم - بهارات مشكلة أحنا عندنا في البحرين بهارات طبقات ملونة وهي اللي نستخدمها - فلفل أسود مطحون - كركم - دارسين ( قرفة مطحونه)
الطريقة :
نغسل الرز وننقعة بالماء ونتركه على جنب
ناخذ البصل ومثل ما قالوا لج الأخوات نحمره لما يصير بني غامق على أحمر موتخليه ياخذ اللون الأسود نحمرة بزيت طبعاً بعدين نضع الفليفلة والثوم ونحركه وبعد ما تطلع ريحتهم شوي ونضيف الطماطم ونحركه حتى تذوب قطع الطماطم تماماً نضع السبت والتابل ونحركهم ثم نضع البهارات والفلفل الأسود والكركم ونحرك والقرفة لو البصل كان فاتح وتبينه أغمق أو تبين لون حلو ضيفي ملعقة شاي معجون طماطم لو كنتي تبين تضيفي دجاج طبعاً هو مغسول ضعيه على البصل وهو مقطع وغطيه حتى ياخذ ريحة البصل والبهارات ولو كان سمك نفس الطريقة بس قلي السمك قبل وضعة مع قليل من بهارات السمك في السمك ويكون نصف قلي وضعي مع البصل ليمون مجفف مطحون وقلبي وضعي السمك فوقة ليأخذ الريحة أما بالنسة للحم أسلقية مع بهارات صحيحة مثل ورق غار قرنفل أعواد دارسين عرفتيها وبعد النضج ضعية على البصل وضعي علية ماء وأتركيه يغلى قليلاً وتحكمي في الملح في هذه الفترة ثم أرفعي اللإدام ( اللحم فترة بسيطة ولو ما حابة تشيله خليه الدجاجة والسمك أرفعيه ) وضعي الز بعد ما تشخله عن ماء النقع ويكون الماء اللي معاه البصل أرفع من الرز بشوي مو وايد حتى لا يصير الرز لين وبعد ما تشوفي فتحات في الرز رشي على الوجه قرفة مطحونة وغطيه وأتركيه على نار هادئة جداً حتى يستوي الدجاج قليه واللحم إذا رفعتيه قليه وعندك بطاطس أعواد تصير حلوة معاة وأي سؤال أنا حاضرة صح الطريقة طويلة بس لذيذ وأهلي لما يجون من الكويت ما يبونه إلا أهو للغدا