الله يجزاها لجنه ويسعدها دنيا وأخره اللي ترد علي

الله يسامحكم:06:

مرحبا اختي...

بصراحه من خلال تجربتي انا مب لين هناك في الانجليزي بس الحمدلله امشيه فيه...

في البداية لازم يكون عندج حب للماده والصبر عليها لان مب كل شي ايي بسهوله بعدين هذا تعلم لغه مب اي شي

اختي تقدرين تقرين كمية اكبر من الكتب الانجليزيه وتحاولين ترجمة المفردات الصعبه عليج وبعدين حاولي تستعملينها عشان ماتنسينها بعد تقدرين تستمعين لافلام اجنبية عشان تتعرفين النطق الصحيح للكلمة واهم شي تمارسين اللغه الانجليزيه مع اي حد عشان هذا يساعدج بكسر حاجز الخجل والتدرب على الكلام وطبعا بإمكانج الاستعانه بهالمنتدى وبتحصلين ما شاء الله مواضيع روعه وان شاء الله تستفيدين منها ..

اتمنى اكون افدتج واتمنى لج التوفيق...:26:

السلام عليكم و رحمة الله و بركاته
إذا بتيبين مدرسه لازم اتكون أجنبيه ( بريطانيه، أمريكيه، كنديه، استراليه) أنا أعرف أبله أمريكيه لكن في الامارات ، إذا بتدخلين دورة انجليزي لازم تكون المدرسه أجنبيه و حاولي تدخلين المعهد الي فيه طلبه أجانب ( عشان ما تتكلمين عربي ) أنا جربت British Council و استفدت منهم.
بعض الأساليب لتطوير اللغة:
1- شوفي أفلام أجنبيه بدون ترجمة عربيه.
2- اقري كتب انجليزيه في كتاب وايد حلو اسمه EVERY GIRLS HANDBOOK انجليزيته وايد سهله.
3- اشتري القصص الي يكون وياها أشرطة عشان تتعلمين النطق الصحيح.
4- خصصي وقت معين ( 10 دقايق في اليوم مثلا) تتكلمين فيه انجليزي سواء مع اخوانج أو صديقاتج في المدرسه. ( في موضوع في واحة اللغة النجليزية اسمه Discuss General Topics نتناقش فيه بالانجليزي)

خلي عندج ثقة بنفسج.


ريح الجنان