الله يجزكم خير مادري وش أسوي...........؟

بنات أنا مستلفه أسم همس لكن متابعه لكم ومن زمان .........وعارفه وشلون تتعاونوا مع بعض فقلت مالي بعد الله الأ انتم فلا تردوني
محتاجة رأيكم وخبرتكم مادري وش أسوي أكتشفت مع شغالتي جوال وتكلم رجال وحتى من شباك الشقة وعامل البقاله الي تحت الشقه هو الي اشترى الجوال والصديق الخاص لها أخذت الجوال وأنا عندي نيه اسفرها أو أتنازل عنها لأن عندي ثلاث بنات وخايفه عليهم تدخل عليهم أحد زوجي الأن مسافر وانا قفلت عليها الباب ورحت زيارة ومعايدة وأكتشفت أنها قلبت البيت تدور مفتاح الشقه وغرفتي الي فيها التلفون وتنادي من الشباك لأي أحد يساعدها وسمعتها تهدد أنه أذا سفرنها بتسوي مشكلة كبيرة في البيت ( سحر وخرابيط ) وخايفه أسفرها وتتصل بالعامل الي في البقالة وتسوي شئ لبناتي وتنفذ تهديدها أو أتنازل عنها ونفس المخاوف وفي كل الحالات وش اسوي مع عامل البقاله لأنه مشرف على أوقات خروجنا ودخولنا وطلعتي من البيت كثيرة لأن نجهز بيتنا والشقه مؤقته باقي لنا فيه ثلا ث شهور علمآ بان تعاملي ممتاز معها وكل الي تطلبه أجيبه لكن مادري ليش الحقد
أرجو أنكم تساعدوني وتشاركوني ولكم مني أطيب الدعوات