الله يجزها خير صاحبه مرهم سكينورين ولاتهون الاخت فراشه بلا أجنحه قبل العيد حيــاكم

السلام عليكم ..اخباركم ان شالله تمام ..والشهر عليكم مبارك ..

فيه بنات منكن يمكن دخلوا موضوعي الي قبل ويعرفون مشكلتي وفيه بنات كثير لا المهم هذا رابط ياليت تقرونه
علشان تعرفون السالفه من طقطق لسلام عليكووو ...
http://forum.hawaaworld.com/showthread.php?t=542017
المهم بنات ياحلوات بعد السالفه هاذي وانا وجهي كله حبوب ناهيك عن الشعرالي كرهني بوجهي طبعا اوقات ماكنت
اسوي الليزر كانت الدكتوره كاتبتلي على كريم ريتن ايه ومحلوول استخدمهم علشان الحبوب وكنت دايم احط الريتن
على الحبوب كل يوم كانت الحبوب تحترق وتسبب لي اثر احمر ومايروح بسرعه ولما اروح الجلسه الي بعدها وجهي مافيه حبوب بس اثر وبعد الجلسه باسبوعين بس مايمديني اتهنى بوجهي الا طالع حبوب ثاني وشكلها احمر وكبار
يعني وجهي كل من شافه ارتاع قال وشفيك ..قررت من نفسي وقلت بترك الريتن لانه كان يسبب اثار حمرا حيل وتعرفون الآثار ماتروح بسهوله وقلت للدكتور اني تركته قالت ليه هذا كويس وكذا قلت مقدر عليه يسبب أثار فظيعة
بعد ماقلت لها كذا سويت جلستين واستخرت وقررت اترك الليزر مره وحده وابتديت مشواري بعلاج الحبوب طبعا العلاج مو من الدكتوره لاني خلاص بعدها كرهت الدكاترة وقلت ماعندهم غير ريتن والدوكين قلت بستمر على المحلول الين يخلص بس ريتن تركته نهائي واسم المحلول ديرما – ت Derma-T
وبعدها قريت بالمنتدى وجزاها الله الف خير وان شالله تتمتع بشره صافيه ونضره دووم عضوه ماعرف اسمها بس ياليت لو قريت الموضوع تقول من هي .. المهم كاتبه عن مرهم اسمه سكينورين SKINOREN Cream
الكرتون ارونج وكذلك غلاف المرهم ارونج وتلقونه بالصيدليات وسعره تقريبا 25_30_35 حسب الصيدليات
حتى صاحبه الموضوع الأساسية كاتبه انه تقريبا يجي بسته ريال شكلها ناسيه سعره كنت يابنات استخدمه تقريبا على وجهي كله لانه فيه حبوب بدايه مانتظمت عليه لكن لما شفته فادني صرت استخدمه بانتظام والله يابنات وجهي انا تغير
والاغلبيه قالو وجهي تحسن خاصه امي مشالله تبارك الله وحمدلله على كل حال ماقولكم اختفى نهائيا بس صار يخف بالتدريج كنت استخدم وقت علاجي هذا صابونه لايف بوي الحمرا دلتني عليها وحده الله يجزاها خيرحلوه تنظف الوجه
وانا بشرتي دهنيه ..وتخفف الزيوان مع الوقت..
بعدها بقالي الأثر وطبعا تركت المرهم لانه مكتوب بالنشره الاستخدام شهرين ومايزيد عن كذا وانا استخدمته
فتره مانتظمت بعدها انتظمت تقريبا شهرين يعني زدت الفتره فخفت وتركته لانه يحتوي على الكورتيزون قلت كذا وحمدلله مبي أزيد لاتصير بلاوي ثانيه او يكثف الشعر بوجهي زياده على الي فيه بس مشكلتي مانتهت هنا ..:09: :(
وحمدلله على كل حال لانه الظاهر مشكلتي مستعصيه بسبب ان الحبوب سببها فيني من جلسات الليزر لماتركت اليزر صرت احف وجهي بالشمع وصارت بعد الحف يطلع لي حبوب لاتقولون هاذي التهاب طبيعي لاني بعد الحف اعتني بوجهي مره كنت استخدم صابون ديتول واستخدمت كريم حلو بعد الحف ثلاث ايام ورا بعض ومشالله مايتحسس الوجه بعده ويروح احمرار وماتطلع الحبوب بعد الحف واسمه فيو سيباكت Fusibact
بس انا الي يطلع فيني بعد اسبوع ونص الا أسبوعين نفس لما ذكرت لكم بدايه الموضوع لما اسوي الجلسات بعد اسبوعين تقريبا تطلع الحبوب لكن قبل الحف حمدلله مافيه حبوب وطبعا مقدر اجلس بدون حف قلت وش الحل فكرت فكرت المرهم سكينورين زين مره للحبوب بس انا ماخذت فتره كبيره من تركته صعبه ارجع له وصعبه اترك وجهي بدون حف تذكرت اني من زمان كنت رايحه لدكتور لما كنت بالثانوي ايام اختبارت من النفسيه الزفت طلع معي حبوب بوجهي رحت له كتب لي تركيبه وكتب لي مضاد حيوي وسافرت نسيت التركيبه واستخدمت المضاد وفاد قلت بتوكل على الله وبستخدم مضاد رحت للصديلي وقلت له عطني وطلع لي حبوب
وهاذي الحبوب نفسها كاتبتها لي الدكتوره لما كنت اسوي ليزر فادت صح بس مجرد مارجع للجلسه يرجع كل شي بوجهي المهم أخذتهاوقالي الصيدلي مرتين باليوم قلت وش تنصحني اسوي معاها قالي استخدمي مرهم سكينورين
سبحان الله نفس المرهم الي استخدمته بس انا زي ماقلت لكم ماقدرت استخدمه لاني دوبي تركته استخدمت الحبوب
بس وحمدلله جفف وجهي من الحبوب واسمها دوكسيسين DOXYCIN
بس حتى هنا مانتهت مشكلتي >>>يقولون البنت راعية طويله ..:42:
ظل وجهي صافي من الحبوب بس فيه اثر قلت بيروح براحته ميب مشكله براحته لكن المشكلة انه طلع الشعر من جديد واحتجت اني احف وجهي طيب وش الحل سكينورين مقدر استخدمه لسه ماخذت فتره طويله من تركته والحبوب نفس الشيء مقدر استخدمها لاني لي فتره بسيطه من اخذتها غيرانها سببت لي مشكله بمعدتي لاني اكلتها على جووع :22:
وش تسوين يابنت حفيت وجهي وتوكلت على الله وكنت استخدم زبادي كل يوم وماء ورد طلع فيني حبوب بس مب فظيعه تقريبا خمس حباب حبيتين بكل خد والدقن وحده وحمرا وكبيره شوي
بشكل عام بنات كان يطلع حبوب بعد كل حف لوجهي لكن ماكنت تطلع فظيعه مثل الي كان فيني قبل استخدامي للمرهم
سكينورين ..المهم قلت وشلون اتصرف مبي الحبوب هاذي تكثر وانا مبسوطه انو وجهي صفى من الحب ولله الحمد
بس باقي الاثار المزعجه والي مع الزبادي بدت كنها تخف قريت خلطه لفراشه بلا اجنحه جزاها الله كل خير
تلقونها على الرابط http://forum.hawaaworld.com/showthread.php?t=651979
الحين باقي اقل من نص القاروره والحمدلله الحبوب خفت كثير والاثار كذلك احسها خفت عن قبل صارت احسن ماشالله تبارك الله ايه وشفيكم بذكر الله على نفسي واتمنى انتوا كذلك .. :42:
بناات لاتتوقعون تلقون نتيجه من اول يوم ترا تختلف من بشره لثانيه بعد اسبوع بأذن واحد احد بتدين تشوفين النتايج ولاتحاتون بتصيرون حلواات بأن الله وبتحبون شكلكم وكل شوي على المرايه لانك بتكونين مبسوطه من التحسن..
وطبعا انا مبسوطه على النتيجه وانشالله بستمر مع العلم اني لما بديته انقطعت عن الزبادي بس برجعله
كل يوم زبادي وماء ورد ولي تحب تضيف نشا تضيف شي بسيط + خلطه فراشه بلا اجنحه مرتين باليوم
بعد ماغسل وجهي بالصابونه طبعا حاليا ماستقريت على صابونه لاني ابحث عن صابونه تبيض وتزيل الأثاروهذاني من صابونه لصابونه واذا استقريت على وحده حلووه حيل خبرتكم ..
لكن لايف بوي الحمرا حلوه مع العلاج مره
بنات لاتنسوون تهتمون بنوعيه الاكل مهم جدا جدا تشربون من 5 الي 6 كاسات مويه طبعا هذا الي اقدراوقات ماوصل هالعدد وتشربون حليب كاستين باليوم ترا حليب المراعي الطازج طعمه يشبه القشطه الا حد ما <<تتعب مع الفصحى:42:
بتقولون مانحبه بس لماتشربونه حطو بالكم انه دواوالي مستحيل ماتقدر نهائي تشرب كاستين لبن نادك او تاكل علبيتين زبادي..
وحاولو تكثرون خضروات وتبعدون عن الاكل الي ماله سنع والخرابيط ماقولكم اني ابتعدت نهائيا يعني لاتحرمون انفسكم ..مثل الشكولاته مقدر امنع نفسي بس ماكلها كل يوم وخاصه جالكسي حليب بالكراميل يمي يمي
ادري مامنه فايده بس والله مقدر فيه ..
وبس يابنات هاذي قصتي وادري طولت عليكم بس حبيت اذكر تجربتي كامله بلانقصان حتى تفيدكم قبل العيد
وأتمنى الاخوات الي ذكرتوهم يمرون بموضوعي واشكرهم بنفسي ..
واتمني الي استخدمت كريم لوريال للهالات تقولي اسمه هو اسمها لوريال هايدرا ومدري وش الباقي ومعرف شكله
بتقولون وش دخل بقولكم مبي اسوي زحمه خلوها بنفس الموضوع:42:
والي كذلك استخدمت صابونه حلو او كريم للاثار حلو تذكره للفايده ..
وووو وادعولي لاتنسوني بالتوفيق دنيا واخره لي ولوالدي ولاخوي ويجعلنا من الصالحين اجمعين واياكم
وتروح البلاوي كلها من بشرتي وجسمي ادري يتقولون طماعه
بس ان شالله ان استاهل منكم دعوه صادقه ..
والشهر عليكم مبارك والله يتقبل منا ومنكم صيامنا وقيامنا ويجلعنا من اهل الذكر والقران ويمتعكم ببشرات
تسر الناضرين من الاعمال الصالحه وشاكره لكم لرحابه صدركم ..:26:
واذا تاخرت عليكم بالرد اسفه جدا لاني مشغوله جدا بس حبيت انزل الموضوع الحين علشان الكل يستفيد
قبل العيد ورجاء يابنات اسالكم بالله الي بستخدم الطريقتين الي هي خلطه فراشه بلا اجنحه
والمرهم الي استخدمته ترا انا ماجربتهم سوا اسالكم بالله لاتتفلسفون واسالو الصيدلي قبل وتاكدواا
لاني غير مسؤله امام الله و امام كل من قرا موضوعي انا حبيت افيدكم مبي لكم الضرر.. :)
دعواتكم ..سي يوووو:26: