الله يجزها خير من تدخل وتوقف معي وقفة اخت لأختها ( للرياضه)

السلام عليكم

ياهلا والله بخواتي الغاليات يابنات انا نفسيتي جدا تعبانه من عدم ممارسة الرياضه والمشي خايفه اني ما انزل بالوزن والسبب جلستي وعدم ممارستي للرياضه وانتو ادرى ان الواحد لما يسوي رجيم بدون رياضه يا اما وزنه يثبت او ينزل بالبطئ او انه ينزل على ترهل ونا موتي وحر ناري ان الجسم يترهل صحيح ان الوزن اللي انا فيه كبير بس الحمدلله على كل حال اتمنى من الله الخلاص من هذا الوزن وهالسمنه والوصول للوزن اللي اتمناه منه سبحانه ويارب انه يساعدني على هذا الشئ بس اتمنى منكم التشجيع والمتابعه لبعضنا بعض على التشجيع ومواصلة الرياضه واليوم اللي مانطبق فيه هالشي لازم نهزئ بعض بجد لازم يكون عندنا هدف الكرشه وش كبرها قدامنا والفخوذ وش سمنها والظهر مليان شحوم والصدر وش كبره والاكتاف وش عرضها والرقبه غاطسه والزنود وش سمنهم والارداف ياكبرهم بالله وش بقى فينا شي عدل ويفتح النفس ان العالم تقولنا والله وش زين هاللي لابسته على ايش راح تلفتين نظرهم اذا انتي خيمه قاعده تتمشى والله يا ان نفسي مكسوره على حالي ودي اليوم قبل بكره انحف واوصل للرشاقه بس الله كريم سبحانه وانتو يابنات خلونا نشجع بعضنا في هذا الموضوع التشجيع بس مو على الرجيم بلحاله ياريت مثل مافتحو هناك موضوع خاص بالرجيم في قسم علاج السمنه نخلي حنا هذا الموضوع خاص للتشجيع على الرياضه واللي مارست الرياضه بهاليوم تجي تشجعنا ونتفق بنزاول الرياضه لمدة كم يعني من تاريخ كم الى كم طبعا انا اقول خلونا نمشي مع موضوع الرجيم اللي بقسم علاج السمنه وهم حددو نهاية الرجيم الى تاريخ 14/10 وحنا نخلي الرياضه لهاليوم اللي محتاجه رجيم تسويه هناك وتجي تتابع الرياضه معانا هنا وبكذا بكونون هالقسمين في قمة النشاط خاصة وان فيه بعض البنات محتاجين للرياضه بس وكون هالقسم يتكلم عن الرياضه خلونا نتواصل هنا مع الرياضه وش رايكم ؟؟؟؟؟

وياريت هالموضوع يلاقي اهتمام من المشرفات وصدقوني مثل ماشاء الله مالبنات هناك حققو ولو شئ بسيط من نزول الوزن واستمرو بمتابعتهم للموضوع ونقل يومياتهم ممكن هذا الموضوع يشجعهم على الرياضه ونقل طريقة التمارين اللي مارسوها من مشي الى تمارين بدنيه ولأي جزء من الجسم بجد راح يستفيد منه كل العضوات بإذن الله تعالى ...:(