الله يجزيكم خير الحقووووني .. امتحاناتي بعد بكره . وانا فاقده التركيز تماما .. شسوي ؟

اول شي اذا حسيت انك بـ تلهين روحي توضي وجربي ترجعين تذاكرين

مانفع توضي وصلي واطلبي الله بالسجود التوفيق

وادعي الددعاء الي يطرد عنك وسوسة الشيطان

وهو " اللهم إنك سلطت علينا عدواً عليماً بعيوبنا يرانا هو وقبيله من حيث لا نراهم

اللهم آيسه منا كما آيسته من رحمتك وقنطه منا كما قنطته من عفوك وباعد بيننا وبينه كما

باعدت بينه وبين رحمتك وجنتك اللهم آمين"

اكثري من الاستغفار .... وإذا نسيتي شي بالاختبار عليك بقول

حسبي الله لاإله إلا هو عليه توكلت وهو رب العرش العظيم سبع مرات والله بيلهمك إن شاءالله

حاولي تجيبين تفاحه زبادي وتاكلين وانتي تقرين اقنعي نفسك انه كم يوم وبعده وناسه وعطله بترتاحين فيها

كل ماحسيتي انك ماراح تقدرين تحدي نفسك انا والا هالماده .... دايم كذا عديه تحدي بينككم

وقولي هالجزأ بعد الساعه الفلانيه اقدر وإلا مااقدر وحطي لك جائزه مثلاً نومه ساعه

اكله حلوه ... سوالف مع الأهل .... يعني شي محرز عشان تحمسين نفسك

وغير كذا قومة الصبح ميه ميه لاتفوتينها كل ماجا العصر الواحد يثقل ويخثر ويصير ماله خلق

فـ استغلي الصبحيه كلها

والله يوفقك يارب ويوفق كل الطلاب والطالبات ... وأي مساعده انا حاضره :D

يعني امسكي جزأ قولي كم المده لين اخلصه ساعتين مثلاً خلصتيه بنفس الوقت

عطي نفسك جائزه ماخلصتيه كملي لين نص الجزء الثاني وكافئي نفسك وكذا تراه طريقه حلوه

واذا كانت معك صديقة بعد سوو التحدي بينكم قسم تخلصون وانتم مستانسين

ولا تحسووون بالوقت أبد :D

جتااام :الله يعينك ع الامتحاناتات وقوي عزيمتك بالنوم الكافي وليس شرط طول المدة بل قدر الراحة فيها.
وكل ما قالته الاخت كحيلة صحيح
وانصحك بعصير النوني (مورنزي)وقهوت(لنجزي) لزيادة التركيز ورفع الاحساس بالكأبة والملل.
وتمنياتي للجميع التوفيق في الامتحانات.
والله المعين

أولاً أسأل الله العظيم رب العرش العظيم أن يجعل لك من أمرك يسراً ...

ثانياً أخيتي .. قبل المذاكرة احرصي أن تقرأي القرآن ,, ثم استعيني بالله وابدأي ..

واذكري الله كثيراً ,, سبحي ,, استغفري ,, احمدي ,, هللي ,,

لأن الله يقول :" واذكر ربك إذا نسيت وقل عسى أن يهديني ربي لأقرب من هذا رشداً " ..

ولا تحاولي أن تضغطي على نفسك كثيراً فمتى وجدت في نفسك كلل أو ملل غيري وضعك ,,

خذي راحة لمدة ربع ساعة ,, اطلعي ,, تمشي في البيت شوي ,, سولفي مع الأهل ,,

وبعدين ارجعي ذاكري ,, وخذي الأمر ببساطة ,, ولا تكلفين نفسك فوق طاقتها ,,

أسأل الله أن يشرح صدرك وييسر أمرك ,,

اختي حددي بينك وبين نفسك واجلسي جلسه صادقه ايش هو اللي مايخليكي تركزين وقولي لنا يمكن نقدر نساعدك
وانا بالخدمه