بالفندق البسي زي ماتحبين,

بس اذا طلعتوا البسي بنطلونات قطن وليقنز وتيشرتات خفيفه,ولان الجو حررر
بس خذي جاكيت واحد لان في مناطق زي جنتنق وكاميرون هايلاند باردات,,وغالبا حدهم يومين ,فيكفي جاكيت.
لاتآخذين جينزات الا اذا بتلبسينها بالفندق بس.. عشان الجو مايساعد..

العبايه خذي ثنتين,,والطرحه بعد.. لان لو رحتوا البحر او مع المطر راح تتوصخ وتضطرين تغسلينها ومايمدي تنشف بسرعه,,

الجزم ش مريح وفلات..اما الكعب والصنادل متعبه مررره هناك لانه كله مشي ..

الميك آب خذي الاشيا الاساسيه ,,شادو لونين,,وكحل ومسكرا, وبلشر, وروج لونين وقلوس,,لاتكثرين, شي للفندق بس,,لانك برا ماراح تستخدمينه :smile:
وعطرين (لو عندك عينات يكون احسن عشان الوزن), ولوشن وبودرة الجسم, و ديودرانت وشامبو<<شامبو الفنادق ينشف الشعر ماحبه , وفرشاة اسنان والمعجون اهم شي :biggrin2: , وموس حلاقه وملقط ومقص اظافر , وابره وخيط لو شي انقطع عشان ماتتوهقين,


واللبس لاولادك نفس الشي قطنيات واشيا خفيفه,,

تروحين وترجعين بالسلامه وان شاءالله تنبسطون

حبيبتي اانصحك لا تكثري مرا في الملابس
خذي قمصان نوم و بجايم وملابس خفيفه للفندق طبعا لمن اخر ج اتمشا البس بنطلون مريح وتشيرت
اما امن ناحية الشوزات خديا تكون واطيه وجزم رياضيه مريحه
انا عيالي اخذتلهم ملابس صيفيه خفيفه وجزمه رياضيه
واخذتلهم صنادل حق البحر وامسبح ومايوهات من هنا اشتريها لان هناك مرا غاليه
كمان اخذت شنطة مكياجي بس كنت احط الاشياء الاساسيه كنت دايما احط اساس والحواجب طبعا ومسكرا وبلشر وقلوس
والله يسعدك وترجعي سالمه غانمه يارب

ترى السفر مافي وقت للميك اب ولا للشعر يادوب ترجعين للاوتيل تتحممين وتنامين

خذي لك قمصان نوم خفيفة منها حلوه ومرتبه وبنفس الوقت تخفف وزن عليك

وفي النهار مثل ماقالوا ليقينقز وتيشيرت وجزمه كروكس عشانك بتروحين لشلالات وشواطيء وبتتوسخ جزمتك ومافي مثل الكروكس تغسلينها ونص ساعه وتنشف

الشنطه البسي من اللي تتعلق على جمب مره بترتاحين لان بتمشين كثير وهالموديل بيريحك


احرصي عالسن بلوك ولازم يكون 50 ترا هالنقطه مره مهمه

خذي معاك معقم ديتول لليدين
بخاخ ديتول عشان تبخين الحمام الله يكرمك لانهم تنظيف الغرف يستخدمون نفس الادوات لحمامات الاوتيل كله
الشامبو والشاور جل خذي احجام صغيره او اشتري من هناك
لاتنسين تحملين بالايفون برنامج مواقيت الصلاة والقبله لان بعض الاوتيلات مايدرون وين الله حاطهم

غالبا جيبي كل ملابسك طويلة لان كل مكان اختلاط وجيبي معاكي جاكيتات صوف لك ولاولدك لان الجو باليل برد
وباستمرار عندهم مطر
لاتنسي الكاب لاولادك لبسيهم في روسهم المطر كل يوم
ولو حابة تشتري شمسة او مظلة من هنا او اشتريها من هناك مليان لانك وانتي بتمشي تصب على راسك مطر فجأة هههه
اكتر شي جيبي جزم رياضيه الله يكرمك ويكرم السامعين
اسمعي مني الصنادل وانتي بكرامة ماتنفع كل بلادهم اعشاب ومويات وحشرات في الحدايق

وانا افضل شنطه الظهر احسن بالف مرة من على الكتف او الي باليد عن تجربه حتى الغرب واهل البلد يلبسوها لانها جدا مريحه وخذي ملابس خفيفه تكون قطنيه حتى للاطفال لانو اوقات يكون الجو مكتوم وحر هذا غير الرطوبه أعوذ بالله تطقق ومناديل ديتول تنعشك وقت الرطوبه والحر وخذي كمان بخاخ طارد الحشرات تلاقيه في الصيدليه مرة حلو وآمن للبشرة لاتنسيه ضروري  وتروحوا وترجعوا بالسلامه يارب