الله يجزيها خير اللي تساعدني في غربتي

السلام عليكم ورحمه الله وبركاته

بكتب لكم مشكلتي وابيكم تساعدوني صراحه مادري من ابدأ لكن بقول اللي في خاطري

يمكن احد يساعدني

مشكلتي الفراغ وانت وشلون ؟؟؟؟

انا متزوجه وماعندي اطفال ,,,مو هنا المشكله مشكلتي وقتي طويل واقضيه بالنت

بعد ماخلص تنظيف البيت يعني اكثر من 15 ساعه

بتقولون وين زوجك؟

زوجي اول اليوم بالدوام او ينام او يطلع مع ربعه واوقات عندي نطلع نتمشى كثير

لكن مليت من زوجي ابي اغير وجيه ابي مواضيع نسائيه وغيره طلعات نسائيه

والله مو مقصر معاي واحس اني اتعبه كثير لكن مو بيدي

انا بحاجه صداقات نسائيه والله ماعندي احد اكلمه اقصد صديقات اعيش بغربه

واحن لاهلي والجمعه وكل فتره اروح لكن موهذا الحل كيف اكون صداقات وماعندي احد

تعبت نفسيتي موت واهل زوجي حسبي الله ونعم الوكيل مقاطعينا حاولت ارجع العلاقات لكن

النفوس مريضه ومع ذلك احتسب الاجر من الله وما اقطع فيهم وحتى لو رحت عندهم يتركوني

لحالي مع امهم واقعد شوي وارجع لبيتي ولؤ حظي حتى الشقه اللي قدام شقتي تاجرت

لناس موساكنين فيها من خارج البلد يعني يجون في اوقات ويروحن

واهلي بلد ثاني وجيران تللقيني طول اليوم ياعلى النت او اغير في ترتيب البيت لين مليت منه

ماخليت مكان ماغيرته والله اغير ترتيب الاثاث كل اسبوع لكن عندي فراغ عاطفي

فكرت احط ماسنجر علشان اسلوف مع بنات

اشغال يدويه مليت من كثرها بعضها ماله مكان عندي حتى الحدائق النسائيه رحتها

تخيلوا اجلس لحالي كنى موصاحيه واقر مجلات لمن عيوني مع الناس

اقرا كتب اشوف تلفزيون لكن مليت اذا عندكم حل هاتوه يمكن شي ماجا على بالي

لاتقولون وظيفه لاني مرتبطه مع صاحب عمل لكن للحين مابدأ ولادورات

وش الحل

اللي عندها حل لاتبخل علي