ها اول موضوع لي فاالمنتدى مع اني متابعته من 5 سنين تقريبا
بس كنت ادخل واسرق خلطات واطلع وعمري ماشاركت خخخ
بس قلت حرام مثل ما استفدت لازم افيد غيري والله يجعاه ميزان حسناتنا ****الله ..
المهم
ها الخلطات اللي بحطها كلها جربتها و ارتحت عليها من اول استخدام و****الله تستفيدون انتوا بعد
اللهم صلي و سلم على سيدنا محمد
بسم الله نبدى
1- خلطة الوجه بالزبادي والطحين
والله يابنات رهيبة انا انصدمت من النتيجة من اول مرة
انا بشرتي بيضة بس كانت بااااهتة ومافيها حيوية من التعب و قلة الاهتمام
المهم قلت بجربها لان صاحبة الموضوع اله يجزيها الخير مدحتها وايد
المهم حطيتها وخليتها فوجهي ورحت رتبت البيت لين مانشفت و غسلتها
تعالو شوفو النضارة و البشرة الصافية والله قعدت اطالع وجهي كل شوي من فرحتي حتى خدودي وردت ماشاالله
الخلطة:
طحين و وعسل و زبادي للعجن " الخلطة الاصلية كانت طحين و حليب مجفف و عسل وماي ورد للعجن " بس انا حطيت زبادي بدل الحليب و بعد ماغسلت وجهي رشيت ماي ورد
2- بخاخ ماي الورد
احطه فالثلاجة و ارش عل وجهي بعد ما اغسله ... روووووووعه
3- جليسوليد + بخاخ جونسن
لترطيب الجسم .. بشرتي كانت جااافة لدرجة تتقشر و جربت كم من كريم بس مافي فايده .. والله يابنات الحين ارطب جسمي يقعد يومين نااعم
4_ جليسوليد+ كريم سودو
للمنطقة الحساسة .. ترطيب
و تفتيح
حطيته على المؤخرة بعد ما امسح باسكينول الليمون اختفت عندي الحبوب و نعووومة خيال
5- خلطة اليد دلع دلع
اكيد الكل يعرفها ... نعوووووومة وتورد اليد ماشالله
6- صابونة البابايا
انصح الكل يستخدمها ..
كان فوجهي كم من حبة نشفتهم و يوم عن يوم اثرهم تختفي بسرعة وتفتح الوجه بس لازم ترطيب بعدها
7_ شرب ماي الورد
فوائده كثيرة وغير جيه يخلي ريحة جسمك حلوة
8- لتبيض الاسنان
بيكربونات الصودا .. تستخدم مرتين فالاسبوع
9
- الشفايف .. اقشرها بسكر و وزيت زيتون و بعدين ارطبها بفازلين الشفايف الوردي .. ريحته يمييي ابغي اكله خخخخ
10- حلاقة المنطقة الحساسه بالنشا وزيت الزيتون
انا استخدم براون فحف المنطقة من برا بس من داخل يعوورررر مووت
خلطت زيت الزيتون مع النشا و حطيته هناك بعدين بالموس .. نعومة و الشعر يطول مايطلع و مايحك
بس اذا اتذكرت اكثر بحط واللي استفادت من شي تحطه
اللي عندها اي استفسار لا تتردد تسال
اللي يعجبها الموضوع تدعيلي الله يرزقني الذرية الصالحة عاجلا غير اجل .. لا تبخلون علي بدعواتكم تراني محتاجتها