بسم الله الرحمن الرحيم
السلام عليكم و رحمة الله و بركاته
بنات ... اكتب الموضوع و انا قلبي منحرق ... كل يوم ينحرق قلبي على بنتي اكثر و اكثر ...
بنتي من انولدت و هي تعاني من الامساك ... لدرجة إن اذا غلطت في اكلها بالذات ايام ما كانت معتمده على الرضاعه ... توصل معاها إنها تنجرح و تنزف :(
صارت تخاف اذا حست إنها بتتبرز و تقعد تصيح و تركض بكل مكان خايفه و تحاول تمسك روحها عشان ما تتبرز و هذا الي يزيد المشكله :(
المساله الظاهر وراثه من عايلة ابوها ... بعض عيال عمها مروا بنفس الشي و يتحسنون لا كبروا ... حاولت الاقي وصفات تناسبها ما طلع معاي غير شوربة الخضار اركز فيها على الكوسا و الباميا و الكويكر .... كنت اسويها لها دايمن على الفطور و الي يبقى اخليه لثاني بس الحين اخاف اني كنت اضرها بكذا .. و البنت كبرت صارت الحين سنه و نص و لها ذوق باكلها ... و انا انحاس جدولي بتوقيت الغدا و صرت من الصبح اطبخ الغدا و افطرها على سندويتش او كورنفلكس .. و غداها بالعاده يعتمد على الرز الابيض و الروب مع إني أعرف إنه المفروض للاسهال مش الامساك ..
أحاول أعطيها شاي الاطفال بالبابونج او الشمر ... احيان يمر اليوم بدون حليب .. و احس بالذنب لاني اعرف إن الحليب مهم لها ( انا اعطيها حليب فرش ) و هي عمرها سنه و نص يعني مهم لها :( بس لاني اخاف يسوي لها امساك
و للحين تقعد في احسن الاحوال يومين بدون ما تخرج ... و غالبا اضطر اعطيها تحميلة غلسرين عشان تقدر تقضي حاجتها ... و اذا تعسرت الاحوال مره اعطيها دوا لاكسوماج مكتوب عليه انه غير مضر ابدا بس انا ما اصدق ان فيه دوا بالدنيا ماله ضرر .. اقله انها بتتعود على الملينات عشان كذا بطلته و صار بس للضروره القصوى
بنات والله تعبت نفسيتي عالاخر سنه و نص اشوف بنتي تتعذب و الحمد لله الذي لا يحمد على مكروه سواه
يا ليت تعطوني نصايح شو افضل الاطعمه من فواكه و خضار ووصفات اكل تفيدها ... خاصه اذا اشيا اقدر احتفظ فيها بالثلاجه و اسخنها لها الصبح او غيره .... و شو في طرق اساعدها فيها ...
الله يخليكم لا تهملون موضوعي على الاقل ترفعونه لين الاقي الي يساعدني ... و انا عن نفسي اسأل الواحد الاحد الصمد بكل اسمائه الحسنى و استحلفه باسمه الاعظم الي إذا سئل به أجاب إنه يرزق كل من تساعدني من خير الدنيا و الآخره و يفرج بمساعدتها لي كربه من كرب يوم القيامه .. اللهم آميـــــــــــــــــــــــــــــــــــــــــــــــن
:26:
wt ever @wt_ever
عضوة فعالة
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
الله يعينك هي الحين عرووسه وماراح تتقبل اي شي
جربي لها الفواكه الحامضه
مثل المنجاا والكيوي والبرتقال
على حسب هي شنو تحب
خليها دايم تاكلهم بشكل يومي
لاني اتوقع صعبه تاااخذ اعشااب
يمكن ماتتقبل طعمها
جربي لها الفواكه الحامضه
مثل المنجاا والكيوي والبرتقال
على حسب هي شنو تحب
خليها دايم تاكلهم بشكل يومي
لاني اتوقع صعبه تاااخذ اعشااب
يمكن ماتتقبل طعمها
الصفحة الأخيرة
جربي تعطينها مويه فاتره على الريق لانه مره كويسه للامعاء وكثري من المويه لها ...
عطيها عصير برتقال ..
والله يعينكم