الله يجعلة بميزان اعمالكم ساعدوني حاسه بضيق وحزن(تم التعديل)

السلام عليكم بنات شلونكم
اليوم انا جيت ابي افضفض والله اني مابي اقول لحد من اهلي لانهم بيقولون لي يتهيئ لك ومن هالكلام والنصايح اللي مدري شتنبي
المهم انا الحين صارلي اسبوع تعبانة تسئلوني من شنو اقولكم مدري تعب مدري من شنو المهم اني تعبانة 5ايام حاسة بضيقة حزن موطايقة حد ماحب اطلع متشائمة بقوة والله مو متقبلة حدعيال اخواني والله لي قامو يلعبون ويسوون ازعاج اقوم عليه ضرب والله اضربهم ضرب مو طبيعي ودي اصارخ ودي ابكي مخنوقة مكتومة بس افكروالواساوس ذبحتني خلــــــــــــــــــــــــــــــــــــــــص تقطت عيشتي ياناس بس اضغط على عمري واسكت ومااقول لحد عن الللي فيني والله ان النوم مااذوقة وماتهنى بالنوم من كثر الاحلام اللي احلمها والكوابيس قلت اكيد فيني عين وقمت ارقي نفسي ادهن بزيت زيتون مقري فية واقراء سورة البقرة كل شي اسوية قالو عني موسووسة لكنهم مايدرون باللي فيني اقسم بالله الذي لاالة الا هو انيتعبانة من داخلي تعب مايعلم فية الا الله سبحانة عساة يفرج عني همي والخوف عندي زايد بشكل مو طبيعي جدا كنا بيت عمتي قاعدة تسولف على عمي الا اسمعها تقول انا حلمت حلم بفلانة تسولف بشويش وانا التفت عليهم صدفة طالعتني تضحك قلت لها شفية قالت حالمة فيك وقامت قالتة وان ان شاء الله مو انا بهالحلم الكل قام علي يقول قولي خير ان شاءالله والحلم زين مو شين معناة تصدقي الحمدالله انا اتصدق الكل عارف اني وحدة خواااااااااافة جدا لدرجة المرض اسمعهم يقولون الحمدالله والشكر علي انا:(لكنهم مايحسون باللي انا ااحسة المهم من طلعت من بيت عمتي الي اليوم انا تعبانة من شنو ماادري دخلت القوقل وبحثت بأعراض العين والسحر والأكتئاب ولاني عارفة اللي فيني
اليوم اللي صار معي شي غريب وأول مرة اقسم بالله اول مرة وخفت حيل بقولكم الموقف وانتو احكمو علية
طلعت لبيت جدي بعد صلاة المغرب كلهم متجمعين المهم الا وحدة من بنات عمي تشتكي من عيالها الصغارمشاغبين ومدري ايس قالت لهم امي يابنتي لاتضربينهم ادعي لهم دايم ادعي لهم بالهداية المهم انا هنا نطيت وقمت وقلت لهم ابقولكم سالفة للامانة انا قريتها من هالمنتدى ان فية وحدة زوجها كان مو مهتم فيها وكذا وكانت تدعي له دايم بالهداية الين الله سبحانة هداة فعلا المهم وانا اقول لكهم السالفة جاني شي مدري شنو زي اللي نزلت على عيوني غشاوة حسيت بدوخة وجسمي ينمل ابي ابكي هنا الكل سكت يقولي كمل وشفة كملي شصاروانا بس أأشرلهم بيدي اصبرو شوي تفشلت انحرجت انا شنو فيني شنو هذا ويقولون لي كملي وشصار بعدين تدرون شسويت قلت لهم نسيت باقي السالفة :(والله اني ابي ابكي قالو لي تعوذي من ابليس وتذكريها مايدرون شليي جاني كتمة على صدري قلت لهم نسيت السالفة حتى مايحسون بشي كانو مركزين علي يبون يعرفون القصة تعوذت من ابليس حسيت ابقوم اطلع من الغرفة ابي ابكي خفت ولكن غيرت الموضوع قلتهم سولفو لين اتذكروقامو يسولفون وقمت كملت لهم باقي السالفة :icon28:
كسرت خاطر نفسي وانا اطالعهم يسولفون ويضحكون وانا كأني زي الحلم بوهم قلت خلص يابنت جايومك بتموتين وانتي جالسة معهم بنت عمي دقت على زوجها تبي تروح وانا داخل قلبي ابي اقولها وصليني لبيتنا بس كنت مترددة قلت اخاف يحسون ان فيني شي وجلست علــــــــــــى اعصابي طول الوقت المهم وقمت ورحت للحمام وغسلت وجهي وخذيت نفس عميق يعني اشوي ارتحت ولكن رجعت الغرفة حسيت بضيقة اووووف ابي اروح البيت
يوسوس لي الشيطان صكوك بعين واقسم بالله تعبت من هالتفكير وربي مرة عين مرة سحر مرة اكتئاب انا ابي وحدة منكم تجي تشوفون المحفوظات حقتي كلها بحث عن الامراض ورقية وعن علاجات اخخخخخ ياربي رحتمك بس
البارح قاعدة اسمع رقية السحر يعني بالله منو مسوي لي سحر عقلي يبي لة فرمتة قوية
قصرت مع خواتي ماسولف معهم ولا اضحك ومع هلي مااقعد معهم دايم بروحي اجلس والوسواس تزيد وسواس الموت والله قاتلني والله كيف اتخلص منة موعارفة ادري ان الموت حق وهذا الشي مامنة مفرلكن مابية يصير كلة بتفكيري طول يومي وانا بس من اسوي شي جاتني وسوسة ترا يمكن تموتين وانتي تسوين كذا ترا يمكن الله ياخذروحك وانتي تسوين كذا ابقولكم شي يمكن تستغربون الكل يقول ياليتناانموت واحنا ساجدين ويدعون بالهشي انا صرت اخاف اصلي هذا شي طبيعي لا اكيد مو طبيعي
انا الحين ابي الحل وشو كيف اتعامل مع نفسي كيف اشيل هالافكار من راسي لاعين ولا سحر واكتئاب ولا امراض بس والله تعبت ابي اعيش حياتي عادي مرتاحة ماافكر بشي ابد الا فيني انا بس واسلي نفسي مافية شي يخوفني الا خوفي من الله سبحانة
انا مو راعية طلعات ولا زوارت دايم بالبيت وامي معتمدة علي صرت اكسر خاطري نفسي حساسة مرة
اسئلكم بالله العظيم اللي تقدر تساعني لاتبخل علي يجعلة ميزان اعمالهايارب نصيحة اوتجربةاو اشي تكفون وادري والله طولت عليكم بس اعذروني مابي اقول لحد ابي افضفض ودعواتكم لي بالشفاء