السلام عليكم ورحمة الله وبركاته
طالبتكم طلبه يالاداره بهالشهر الفضيل ماتنقلون الموضوع للملتقى لان مرتاديه قليييل
مادري من وين ابتدي ولا وش اقول غير الله يفرجها من عنده
اختي متزوجه من واحد نجس وسخ شكاك كذاب كل صفه دنئيه فيه كانت كل يوم تزعل وتجي لااهلي وبعد فتره يجي لابوي ويبربرله ويكذب عليه وابوي على نياته يصدقه واختي مسكييينه ومغلوب على امرها وعلى هالحال اكثر من 20 سنه:icon33::44: وهي بالعه الضيم وساكته ويتزوج عليها ويهجرها ويطول ايده ولسانه حتى شرفها يتهمها فيه الله لايسامحه وهي خلااااااااص حتى الشكوى ماعد تشكي لااهلي ماعد تبي تضيق صدورهم ولانه هو ابو وجهييين فما يصدقون فيه ويقولون لها اكيد انتي تصرفتي ولا قلتي كلمه وغلط عليك المهم امي الله يعطيها العافيه مهمووووووومه من اختي تقول ان اخذناها تبهذلو عيالها وماهيب صابره عنهم واختي ماتبي الطلااااق عيالها كاسرين جناحها ولدها الكبير بالثانوي جته حالة نفيييه يقعد يصيح ويبكي لاصار شئ بين اهله ويقول احلمهم حلم انهم تطلقو واقوم ابكي وخايف ويشكي لي يقول من وعيت على امي وابوي وهم كذا يقول الحين انا خلااااص انتهيت بس اخواني الصغار والله خايف يصير لهم ماجاني مااعرف الراحه والاستقرار حتى المدرسه يوم اروح اخاف ارجع القاهم تطلقوو ولعلمكم صار ابد مايخليهم يجلسون مع بعض خااايف تصير مشاكل يبي يصلحهم بزعمه ويقول ماني مرتاح افزفز من نومي متخيل امي وابوي متطلقييين اااااه اااه ضيييق صدري ولا انا كنت اشجعها تروح لااهلي وترتاح من الحياة الي هي فيها بس بعد كلامه خلاااااص ماعد ادري وش اقولها غير افرشي سجادتك واستغفري وهو هذا الحل الاكيد لان ماحد يعلم بحالها الا هو الرحمن الرحيم وبيفرجها من عنده
الليله دعييييت عليه مايجي الا وهو في عربية المعوقييين من القهرررررالي احسه عقب استغفرت ربي الله يجزاه بما يستاهل
الحين اختي ماعد تبين لااهلي شئ ابدددددد واليوم جتني وانفجرت ياعمري تبكي وتشكي منه سافر مع زوجته من دخل رمضان الى اليوم ويتمشى وفالها وهي حتى التلفون ماشاله وكلف نفسه يبارك لها بالشهر يتصل على عياله اذا يبي يسال عنهم وناوي يعيد برى بعد الله ينكد عليييه بسلامة اختي وعيالها ياااارب
الله لايوريكم الهم الي هي فيه ياااارب تكفوووووون :( طالبتكم تدعون لها الله يفرج همها و يرده لها ردا جميلا ويسخره لها ويجعلها قرة عينه واحب النساء الي قلبه ويخليه يدور لرضاه دواره ويحطها بعيونه ويسعدها بالدنيا والاخره ويبارك لها بعيالها ويخليها ويخليهم لها ولايفرقهم والله يجعل محبتها في قلبه كمحبة الرسول صلى الله عليه وسلم لعائشه رضي الله عنها
وادعو لي بعد الله يحقق لي مااتمناه ويفرج علي همي ويشفي امي واختي وابوي ولايبالنا بغالي وعزيز
وانا والله لااتصدق على كل من تدعي حتى لو ماردت وكتبت تكفيني دعوه من ظهر الغيب والله يسعدها في الدنيا والاخره ويحقق لها كل ماتتمناه ويرزقها من حيث لاتحتسب ويسخر لها بقلب زوجها والي ماتزوجت الله يرزقها بالزوج الصالح المحب والذريه الصالحه لكل من تتمنى ويحفظ لكم كل غالي ويغفر لكم ويجعل لكم ممن رضي الله عنهم ورضو عنه
بكره احلى واحلى @bkrh_ahl_oahl
عضوة جديدة
يلزم عليك تسجيل الدخول أولًا لكتابة تعليق.
عليها بالاستغفار وصلاة التهجد وتتقرب من عيالها لانهم سندها في هالدنيا بعد الله وتدعي في كل وقت ان ربي يباركلها في عيالها ويحفظهم لها ورجالها ان جاء تعامله بما يرضي الله وان راح لاتفكر فيه لان مانافعها الا عيالها الله يجعلهم قرة عين لها ويوفقك انت واختك ويسر اموركم ويصلح حالكم اللهم آمين
عليها بالاستغفار وصلاة التهجد وتتقرب من عيالها لانهم سندها في هالدنيا بعد الله وتدعي في كل وقت ان ربي يباركلها في عيالها ويحفظهم لها ورجالها ان جاء تعامله بما يرضي الله وان راح لاتفكر فيه لان مانافعها الا عيالها الله يجعلهم قرة عين لها ويوفقك انت واختك ويسر اموركم ويصلح حالكم اللهم آمين
الله يسعدكم اسعدني مروركم ودعواتكم الله يتقبلها ولكم بالمثل والله يرحم امك واختك ميراج 222ويجعمهك فيهم بعد عمر طووويل في جنات النعيم
الصفحة الأخيرة
وربييسهل امرك انتي بعد ويسر امورك ويسعدك دنيا واخرة
وخلي بالك من اختك تراها الاخوة حدها الدنيا
اسئليني انا الي ما عندي اخوات كانت عندي وحدة اخدها الموت مني
ربي يسعدكم ويفرحكم ويخليكم للبعض