السلااااااام عليكم
قرية التوت>>الله يجزاك الفردوس الاعلى ويجعل لك من كل هم فرج ومن كل ضيق مخرج
مساحة الغرفتين وحده4*5والثانيه4*3تصميم الكبيره>>الجدران تعتيق فوشي والسقف ديكور جبس حلو السقف نازل وفيه ثرياولون السقف فوشي وليموني
وش رايك احط غرفة النوم هنا ؟
الغرفه الثانيه الجدران تعتيق ليموني والسقف ديكور جبس بسيط ولونه فوشي مفكره احط فيها اريكه والا جلسة كنب
الارضيه بلاط عادي يعني ما ينفع الاينفرش اويوضع عليه سراميك وزوجي معارض لفكرة السراميك لغرفة النوم يعني ملزمه با الفرش ومتبهدله با الالوان وش احطها
الغرفه فصلتها حجمها وسط
الحقي علي وابردي قلبي الله يبرد قلبك با العافيه

والله دخلت ورديت عشان الدعوة وعشان خاطرك وخيتي...

أولا الألوان حلووه مع بعض وممكن تعملي ديكورات بسيطة.. أجمع لك الصور وأرد منك سووون..

واو ماشاء الله الوان روعه انا اموت فى الفوشى والليمونى يعطى شراحه ووسع انا من رايى حطى السرير فى الغرفه الاولى وافرشى الغرفتين باركيه لون خشابى فاتح اذا زوجك ما يحب السيراميك فى غرفه النوم ولا تنسين تشترين قطع سجاد مشجر فوشى مع ليمونى والاكسسوارات نفس الشى والغرفه الثانيه سوى جلسه وخليه بدرجات الالوان اللى عندك تطلع خيال مع الستاير الحرير نفس الالوان بصراحه شىء راقى والله يهنيك ولا تنسينا من دعواتك الحلوه

هلافيك تاتي شوفي عزيزتي بالنسبه للغرفه الاولى الكبيرة انصحك تحطين فيها السرير والتسريحه واذا كان عندك الولاب الصغير الي يجي مع الغرف الامريكيه فحلو طبعا مع الكمدينات طبعا مع الابجورات الصفراء لانه اللون الفوشي ابدا مايمشي معاه الاضاءةاليضاءوممكن تضيفين كرسي مساج او كرسين حلوين نفس لون المفرش او الستاير وطبعا لون الستاير بيكون من الشيفونات والاورقنزا اشوفها متشرة مرة وناعمه حاولي تلقين لون فيه اليموني والفوشيا يعني مقلم والاالخارجي ليموني والدخليه تكون فوشي
وبالنسبه للرضيه حلو لو تحطين باركيه لانه مو بارد في الشتاء وصراحه نصيحه مجرب انتبهي من الفرش لانه يجمع لك شعر وسخ وبعد فترة بتضطرين تغيرينه ولاتنسين الزوليه الناعمه تعطي جمال وفخامه بالغرفة
اما الغرفة الثانيه فاتوقع تكون فيها غرفه الملابس والمعلاق والحوسه حقت غرفتك مثل اذا تبين ثلاجه او اي شي في بالك
بالنسبه للمفرش فيه محلات حلوة مثل الجار الله ونمارق وهوم بلازا في الرياض اسعار حلوة وبنفس الوقت حلوين اما اذا تبين تفصيل فخوذي قماش من محلات الاقمشه وبعدين في خياطين في السويلم يخيطونها لك على الشكل الي تبين بس نصيحه اشتري لك مفرش فخم من اي محل ثم اشتري اقمشه مختلفه مناسبه مع لون الغرفه ولون المفرش وخيطيها وسايد باشكال وزيعيها باطراف الغرفه وعلى السرير ...

ها ياتاتي علمينا وش صار معك