الله يجعل اللي تساعدني يبدّل ربي حالها من شقاء لسعادة ومن حزن الى فرح

السلام عليكم ورحمة الله وبركاته 
كيفكم بنات ؟؟ بنات انا جديدة على المنتدى وعمري 21 وماودي صراحة اضيق صدوركم بعد هالعيد بموضوعي المحزن نوعا ما .. بنات انا مدري من وين ابدأ ولا ادري وش اقول بس بقول كل اللي بخاطري ودي افضفض بنات انا من كنت صغيرة وافهم .الى ساعتكم وانا مدري وش فيني يعني من طلعت على الدنيا ومريت بظروف عائلية صعبة مو مثل بعض البنات لقت اللي يدللها مب شرط يدللها على الاقل لها حقوقها انا لا عشت حياة مدري وش اقول لكم احس لو يقولون لي تتمنين ترجعين لطفولتك اقول لا والف لا كل ماتذكرت طفولتي احزن على حالي وابكي ..بعدين كل ما كبرت لازم امر بمشاكل كبيرة نوعا ما تعبت تعبت تعبت والحمدلله على كل حال بنات احس كثير اللي يظلموني لدرجة كأن الظلم علي حلال له وكثيييير اسكت عن حقي واتغاضى مابي قطيعة مابي هجر ومع ذلك الطرف الثاني يزعل ويسوي اللي براسه وكأنه هو المظلوم وانا الظالم كثيييير انجرح من البعيد والقريب واسمع كلام عني يقطع قلبي تقطيع مع اني وربي العالم بقلبي احاول انسى واصفي نيتي تجاهه بنات تعرفون الاطفال ساعة غضبهم وزعلهم يزعلون ويبكون ومن بكرة تلقينهم راضين وماكأن شي صاير انا كذا والله ماازكي نفسي اقرّب لكم مثال كلن احمل له المحبة والتقدير والله رغم المواجع والمواقف اللي تكوي قلبي الا اني صابرة واسامح لله  بنات مثلا الجرح من القريب يلبون طلبات اختي وانا لا .. بعدين مريت بظروف صحية ومريت بظروف صحية اقوى ولا احد لمي والله يابنات انه ماحد نفعني بهالفترة لاقريب لا بعيد الا وااااحد بس (ربي  ) احبك ياربي  .. بنات انا امر بمشاكل مدري وشلون ان راضيت الفلان زعلو الفلان وهكذا ونادر اعبر عن حالي اللي يجلس معي يقول هذي وسيعة صدر ويضحكون معي وكذا بس بدااااااخلي شي ثاااااااااااني ويوم مريت بالظروف الصحية اللي يقول ماتبغاني واللي يظن على كيفه تجاهي والله يابنات ان اقرب اقرابي اعطيتهم الورد واعطوني الاشواك بنات انا الحين اللي اتمناه اني اتزوج واستقر. واجيب اطفال يعيدون لي الحياة يضيئون حياتي الاعبهم وافرغ عاطفتي فيهم ما لأحد بهم منّة  يضاحكوني واضاحكم وانسى اي شي صار بحياتي بنات ادري طولت عليكم والعذر والسموحة وفيه اشياء خليتها غامضة ابي استر على كل من جرّعني مرارة الالم ولهيب الحزن ,,,,,بنات ابي حل ابي شي اسويه اطلع من الدوامة اللي انا فيها ؟؟؟ ابي تجربة منكم شي نصيحة اي شي ؟؟؟ وابي في جوف الليل والناس نيام ترفعون دعوة لي واللي مثلي ان الله يبدل الحال للاحسن ويرزقني باللي يسعدني ويرزقني اطفال يملون حياتي تراي اكتب لكم وانا ابكي خدودي امتلت دموع الحمدلله على كل حال والله يرضينا بدبرته واللي ترد علي بجواب شافي بإذن الله راح اسوي لها صدقه جارية ولو بالقليل ...وشاكرة لكم