الله يجعل لكم من كل ضيق فرج (( ساعدوني في وضعي))

السلام عليكم رحمة الله

انا مخطوبه صارلي سنتين والزواج باقي عليه كم شهر المهم انا انسانه حساسه لاقصى درجه احب خطيبي لدرجة الجنون وهو نفس الشي لكن مو مثلي وهنا مشكلتي
وفوق هذا ضعفه قدام اهله

في هالسنتين كل يوم لازم يكلمني لازم نتكلم ونسولف ماقدر اصبر عنه ولاهو يقدر
يعني تعلقت فيه لدرجه ماعمري تخيلت نفسي فيها
المهم مشكلتي اني حساسه كثير واوقات يصير يزعلني والله مانام انجن حتى لو هو غلطان انا اعتذر له ماقدر اتحمل غيابه
وهو عادي عنده يروح لاصحابه ويسهر معاهم عكسي انا انحرق الف مره
هذا بشكل عام وضعنا

مشكلتي حاليا لاراح بيسافر مع اهله ينساااااااني مايكلمني ابد مع اننا متعودين كل يوم نكلم بعض بس اذا سافر احس اني غريبه وتنبني حواجز غصب عني واحزن احس اني جسم مافيه روح بس ابي الايام تمشي عشان يرجع

قبل امس سافر سفره فجائيه كلمني وقالي يافلانه الوالده تبيني اروح معاها للمدينه الفلانيه وهو يدري اني تضيق فيني الدنيا لاسافر
قعدت ابكي ويزعل مني اذا بكيت قالي ارتاحي مني شوي قلتله قصدك انت ترتاح قام يضحك
قلتله طمني عنك اذا وصلت ضروري
ونبهت عليه اكثر من مره يطمني اذا وصل قالي ابشري
لكنه ماطمني لين مانا ارسلت وصلتوا اولا رد علي بعد ماقام من النوم وطمني يعني انا طول الليل نومي كوابيس انتظره يطمني وهو وصل ونام بعدين لما ارسلتله تذكرني ؟


والحين مايكلمني ابدا
انا احس طبيعي هالشي اكيد بيحس بملل طول هالفتره نكلم بعض وهو يداري مشاعري كثير بس استغرب اذا سافر ليش يبتعد عني لهالدرجه

والمشكله الثانيه اهله ضعيييييييف قدام اهله والله لو وش يطلبونه يقوم من عز تعبه عشانهم
انا مامنعه بس احيان على حساب صحته ينسى نفسه بس علشانهم واحيان مرتب زياره علشان بيجينا اتفاجا بانه يكنسلها عشان مشوار لاخته والا من طلبات امه

انا تعبت من وضعي ياناس ابي اصير مثله
احبه بس بحدود ابي اعيش حياتي بدون هم ابي احبه بدون ماحس بالقلق
ابي اصير ثقيله عليه مع انه من سابع المستحيلات احبه واخاف عليه اذا قريت اي خبر مزعج على طول احسه بيصير فيه وادق عليه حتى لو مشغول ا ابيه يطمني

وش اسوي لاتقسون علي انا جيت هنا ابي مساعده ابي حلللللللل وجهوني صححوا وضعي
كثير بيقوولون لاتكلمينه واثقلي ترى والله الكلام سهل لكن التنفيذ صعب صعب صعب
امي اما نصحتني اني ماكلمه تقولي اثقلي لكن ماقدر اخاف يزعل مني اذا مارديت او صرفته اعرفه يزعل وانا ماتحمل
وش اسوي الحين هو مبسوط الله يديم عليه واكيد ماني على باله ومرتاح مني
وانا اللي شاقيه بها ماعندي شي اسويه واذا انشغلت عنه احس ضميري يانبني
ابي اصير مثله سااااااعدوني
اللهم فرج لي همي واصلح لي شاني واشرح لي صدري

ابي وحده تمسكني وتعلمني خطوه خطوه
الحين هو مسافر وبيقعد 4 ايام ومن امس ماكلمني غير سواليف بسيطه على الواتس
وش اسوي كيف اتصرف ؟ كيف اثقل ؟
اطنشه ولاارسله شي ؟