الله يجعل من تدخل موضوعي يعتقها من النار ووالدينها

بنات ياليت أي وحده تعرف وش الأعراض الي أمر فيها تعلمني

بعد ألحاح من أمي أني أرقي نفسي أو أروح لشيخ شغلت رقيه من النت وصرت أسمعها مره تدبر ومره بدون تدبر حسيت مثل وخز الابر في أطراف أصبع الارجل واليدين وكل يوم يزود شوي ثم صار أماكن متفرقه ومره سمعتها بتركيز
حسيت شي دار في بطني دوره واحده مثل الهواء وبعده صرت لما أسمع الرقيه أنام
وانقطعت عن سماعها فتره ثم رحت لشيخ مرتين لما قرا حسيت أصابع رجليني تحرك بس مو كثير وحسيت حواجبي ارتفعت بنص الجبهه وتصارت تتحرك حركات غريبه وسريعه وهذا مره واحده واعطاني الشيخ زيت وعسل وماء بس ما استمريت طلع فيني كدمه في أسفل البطن ثم في فخوذي يمكن ثنتين واحيانا لما أقرا البقره احس في شي يرفرففي انحاء متفرقه في في الجسم حتى أمي شافته كان في وسط الساق وبعده أحس زي النبض في اماكن متفرقه بس دايم اكثر شي في السيقان بعده انقطعت عن الرقيه فتره
الان رجعت اقرا البقره واسمع الرقيه من النت وكل مايجي ذكر الكفار وعذابهم في الاخره او القتال احس حركه غريبه في جسمي غريبه مدري كيف أوصفها وخصوصا السيقان كان جلدي يتحرك حركه سريعه مايمديني اشوفها واحيانا لما اسمع رقية العين والسحر بس مومثل ذكر النار وعذابهاواحس وخز في ركبتي وخلف الركبه يتحرك الجلد بس بسرعه وكلما قريت اتجشأ بس لما اسمع لا وصارت تطلع كدمات قد انمله في الفخذ والساق ثم يوم قريت البقره مرتين بس مو ورا بعض وطلعتلي كدمه بوسط الساق كبيره شوي بعده صرت أكره اقرا ولا اقدر اركز وجاني موخوف الا هلع مقدر انام لوحدي واذا دق الجوال افزع او احد دق باب غرفتي
انا مطلقه وكل مايجي خاطب اوافق ثم ارفض اذا صار الامر جد وذا فكرت اني اوافق اتخيل الخاطب يهيني واهله وانه يعذبني حتى تضيق صدي واكره ثم ارفض وهذا حتى لو فكرت اني اتزوج تجني هل الافكار
وكل شي ينفعني ما ابيه دراستي بغيت اتركها قبل التخرج بفتره بسيطه بس بعد الله ثم اصرار اهلي علي كملت والوظيفه ما ابيها وكل مايجي طاريها يضيق صدري مع اني محتاجتها
فيه ثلاث اشياء لما أسويها احس روحي بتطلع الاستغفار والدعاء حتى كنت متحمسه اذا جاء رمضان بدعي لكن الحين احس مقدر صدري يضيق ومدري وش ادعي كأني اقراه قراءه مافيه ألحاح ولاترجي مهما احاول ما احس يطلع من قلب والشي الثالث الصلاه هذي معاناتي الحقيقيه ما ابداها الا واتمني اخلصها مافيه خشوع الاقليل بعد مجاهده وخصوصا الفاتحه مدري اخلصها من غير ما احس وذا عدتها احس بحراره في السره خفيفه احيانا واحس بشرود فيها مهما اجاهد نفسي

وش تفسير الي يصير لي بنات ادعولي ودعولي اخشع في صلاتي