الله يجمينا

السلام عليكم ورحمة الله وبركاته
كيفكم مع الحجر
الله يحمينا يارب ويعدي هالفتره
صار لي تقريباً ١٠ ايام ماطلعت من البيت ولا ابي اطلع عادي
ومسويه حالة استنفار ف البيت اغسل وانظف واعقم
كل شوي ديتول رايح ديتول جاي
وجالسه احاول اقوي مناعتي ومناعة ولدي
بالعسل والليمون
وولدي كل شوي اخليه يغسل بالصابون ويحط معقم
ي عممري طفش بالبيت صرت اخليه يلعب بالحوش بسيارته وكذا
وامورنا تمام يارب لك الحمد
وقبل كم يوم زوجي اصر علي الا اروح اسلم ع امه وحاولت فيه يخليها مره ثانيه ورفض
يقول طولتي عن امي وهي تعبانه
وانا زرتها قبل اسبوع
المهم تعوذت من الشيطان ورحت عندها
السالفه الحين ان احنا قاعدين نعزل انفسنا
وهو لا طلعات وروحات 😭
والله يابنات يروح القهوه كم ساعه ويرجع
ويطلع عادي
وتو اليوم رايح يحلق اقوله ماقفلو قال الا
بس نروح عنده ب الشقه مأخذ غرفه ويحلق ومحد درى عنه
لا والمشكله يقول زحمه عندهم
وملابسه بعد يروح يكويها بالمغسله يقول ماقفلت
انا اغسلها بالبيت بس الكوي برا
اقوله بكويها ورافض
هو يكوي ملابس الدوام لانه موظف بالصحه وماشملته الاجازه
اليوم طلع وجاب اغراض وجاء ع طول يشيل بنته ويسولف معها
وانا انقهرت اقوله غسل يدك لاتجي تشيلها ع طول
واغراض البيت لاتجلس كل شوي تجيب غرض
خذها مره وحده وريحنا
ع الاقل خذ اغراض اسبوع كامل وانتهينا
مو كل يوم جايب شي
احاول قد مااقدر اذا جاب الاغراض البس قلفز وارمي الاكياس ع طول
امس اقوله احنا مانطلع ونهتم ونسوي وانت مو ع بالك ولا هامك
مو خايف ع عيالك تجيب لهم المرض
اجلس بالبيت ولا بنصير احنا لحال وانت لحالك
بنأكل لحالنا وننام لحالنا وكل شي 😂
ويتريق يقول بتعزليني اقوله ايه 😂
الصراحه والله اني خايفه عليه وعلى نفسنا بعد
دامه هو ولا ع باله
الموضوع مو ولا ع باله خلاص هو مقتنع محصن نفسي واقول اذكاري خلاص ليش الخوف
بطلع واروح عادي
ياااربي شسوي 😭
والله تو ولدي قال له بابا انت جيت من برا ليه ماتغسل يدك بالصابون
كيف وضع ازواجكم وعيالكم الكبار قاعدين بالبيت ولا مو هامهم الموضوع