غربة الروح3 @ghrb_alroh3

محررة

الله يحرق قلبها على اولادها مثل ما حرقت قلب امي ........................

صباح الخير يابنات ابدخل في الموضوع على طول عندي مرة اخوي الكبير اول واحد من اخواني يتزوج مرة اخوي انانيه لما جينا عندها في بيتها وكانت حفلة اختها ما نعرف اي كوفيره هي ما تبغانا نروح معاها الكوفيره علشان معاها اخواتها احنا ساكنين في مدينه وهي في مدينه علشان ما نعرف كوفيرات رحنا كوافيره طلعت زي الزفت لكن هي واخواتها راحو كوافيره يعرفوا شغلها والله يابنات ما دققنا ومشي الموضوع عادي كانت في الاجازه هي واولادها يرسلها اخويه عندنا والله يابنات انه احنا ندللها دلال واخوي الي اصغرمني يطلعناباستمرار عشان ما تطفش وكان اخوي الكبير الي هو زوجها يقدر امي ولما تزعل ما يستحمل زعلها وما يقصر معانا لكن يابنات شوي شوي تغير 1750 درجه كانهم بدلوه بواحد ثاني الي صار مرة اخوي صارت لئيمه بزياده تخيلوا لما كانت عندنا واخويه كلمنا وقال بأجي كانت اختي الي اكبر منها تستشور شعرها وتسويلها بدكير لرجولها وتنظف رجولها وتقوم باولادها والله العظيم اختي كانها شغاله عندها من كثر ما نحنا نقدر اخوي وزوجته كانت تسافر مع اخوي وتترك اولادها عندنا ولما تجي تاخذ اولادها بعد السفر تلاقي صحتهم ما شاءالله واختي لاتهتم بنفسها وتنحف وتنزل السوق علشان اولادها وتشتريلهم ملابس من اغلب الماركات وامي تهدي لمرة اخوي اطقم ملابس على 800 ريال واكثر ومره كنا عن اخوي واهلها عزموا اهلي راحت امي واختي وكانوا اخواتها موجودين وحريم اخوانها وصاروا يدقدقوا امي واختي بكلام تقول امها ام الزوج المفروض ما تضايق زوجة ولدها وتجلس عنده تروح بيت لحالها وبعدين مرة اخوها تدقدق امي واختي بالكلام وهي تتنفخ اف اهل الزوج المفرض يحترموا انفسهم ولا يضاقو بنت الناس تخيلوا يابنات ايش موقف امي واختي ومرة اخوي مبسوطه على الكلام والله يابنات ما نطول في بيت اخوي على طول نرجع للمدينه الي احنا فيها بعد هالموقف اخذنا اغراضنا ورحنا بيت خالي يابنات صارت ما تكلم امي لما تتعب ما تكلمها لسى قبل كم شهر ولدت وما باركت لامي طبعا انا ما باركتلي توفت خالة امي وما عزتها قال اخوي لامي ما عزتكي علشان انتي تقولي لا تقول اخبارنا لها يالله يابنات هالخبر ينقالها عشان تقوم بالواجب انا متاكده ان اخوي قالها بس قالتله لا بس يابنات شوفوا رد اخوي على امي نقوله ليش ما تكلم امي قال لما تكلم امي اسلوب امي مو كويس معاها والله يابنات امي تعاملها كانها بنتها وعمر امي ما سائتلها يابنات اكتبلكم وانا دموعي تنزل ورى بعض من كثر قلبي ما هو محروق لما تزوجت قبل5 سنين لاجهزت معي ولا شافت القاعه الا يوم الزواج زيها زي المعازيم ولا حظرت ملكتي ولما جاء يوم زواجي امها تتصل عليها بشكل موطبيعي تبى تشوف حلوه القاعه ولا لا وطلع زواجي حلو ولالا بس طلعت القاعه تجنن وفخمه وطلع زواجي راقي وطلعت اجنن واخذت من عيله معروفه وغنيه امها انقهرت وزوجة اخوي في تصرفاتها كانهاتقولي انتي تتزوجي زعلانه عشان تزوجت واخواتها كل سنه تتزوج وحده منهم ولما تزوجت اخوي ما زاارني ا الا بعد 6 شهور من زواجي كله من تحت راسها ولما امي قالتله شوف اختي حريم عيالها معاها ويكلموها على طول ماهي زي زوجتك قال زووجتي تجيكي مجامله شوفوا كيف يابنات يرد على امي قبل فتره امي مرضت كانت طايحه على الفراش جاء اخوي يحضر زواجي وبعدين اخذزوجته واولاده وسافر يتمشى مع زوجته واولاده وامي كانت بين الحياه والموت وانا من يوم ماتزوجت ماعاد قابلتها ابدا انا لما تقولي شي اخذ حقي وامي اقولها لاتسكتيلها قالت مكن مو قصدها تسوي كذا ما عليش نسكت عشان اخوكي وقبل كم يوم يابنات اتصل اخوي قال زوجتي تعزمك على زواج اخوها وبترسلك كرت قلتله انا ما ابغى اروح حسيت انه زعل لما راقت زوجته وحبت تعزمني عزمتني وقبل كذا تزوجوا اخوانها ما عزمتني ذحين اتذكرتني المهم ابش سوت مرة اخوي عارفه ما راح اجي ارسلت الكرت لمرة خالي ومرة خالي ارسلته مع اخت زوجي يالله يابنات مستغربين اهل زوجي ان اخوي ما وصلي الكرت انا متاكده انها متعمده هالحركه تبغى تفشلني قدام اهل زوجي وتعزمني كانها ما غلطت في حقي بنتها تقول عمتي كذابه ومرة اخوي تقول لاخوي اختك قليلة ادب تصدقون بناتها واولادها ما يعرفونا وبنتها الصغيره لما كانوا عند اهلي جات بنته الصغيره لاختي الي كانت زي الخدامه عند الي ما تخا ف الله مرة اخوي وقالتلها ياعمتو تبغي تتزوجين بنت اخوي عمرها 4 سنين بتقول هالكلام من نفسها اكيد لا تتكلم على اختي انها لحد ذحين ما تزوجت يابنات غيرت اخوي علينا من يوم ما تزوجت ما دخلت بيت اخوي ما تبغاني وانا الحمدلله ما قد رفعت سماعه وقلتله بجيك ابدا لا يمكن اذل نفسي يابنات امي كان جسمها يجنن وصحتها حلوه وامي صغيره في السن مو كبيره مع الهم صار شكلها كبير ونحفففففففففت مره من كثر ما تشوف ولدها بكرها يسوي معاها كذا امي دائما تقول على مرة اخوي حسبي الله ونعم الوكيل وانا ساكنه في نفس المدينه الي فيها اخوي يابنات فيه كلام كثير ترميه مرة اخوي علينا وتصرفات تسويها ما حيكفي علشان اكتبها يش رايكم يابنات في الحركه الي سوتها مرة اخوي حركة الكرت ايش اسوي كنت نا ويه اكلم اخوي ليش كذا سوت زوجتك لكن دائما احنا في نظره غلط وزوجته صح لا يقدر امي ولا ابوي كلمنا اخوي كثير علشان يتغير ويرجع زي زمان بس ما فيه فايده تصقون يابنات صرت ساعات ما انام من كثر ماني مقهوره على امي وابوي والي يسويه اخوي وزوجته في امي وابوي لي كم يوم ابكي على وضع امي وابوي والله العظيم في حالهم ما يدخلون بين اخوي وزوجته ولا يثقلون عليهم لكن مااقول الا حسبي الله ونعم الوكيل امي وابوي صحتهم كل مالها في النازل حبيت افضفض وتقولولي ايش اسوي مع اخوي وزوجته

10K

يلزم عليك تسجيل الدخول أولًا لكتابة تعليق.

تسجيل دخول

عرس المطر • 15 سنة

باين عليكي من جد مقهورة

استرسالك في الكلام يبين حالك

راح اعيد القراءه لاني مافهمت

ولي عودة

الااا كبريااائي • 15 سنة

الله يعينكم عليها صراحه شي يبكي........مابي اضلمها بس لاتكون مسويه شي لاخوك ......
لان اللي اشوفه غالبا الولد تبع اهله حتا لو كانوا غلط وزوجته صح
الله يرده لكم ردا جميلا ويجعل كيده في نحره

الااا كبريااائي • 15 سنة

ويجعل كيدها في نحرها معليش غلطه مطبعيه

أدعولي اسافر • 15 سنة

المفروض تطنشونها هي واخوك دام هو مايشوف الا هي خليها تنفعه
وبعدين يااختي حرام عليك تدعين على اولادها هم مالهم ذنب بلي تسوي امهم

بقشة حلاو • 15 سنة

لما تكون زوجة الاخ بهالاخلاق الافضل التعامل معها برسميه وبحدود

والابتعاد عن الاحتكاك فيها عشان مايحصل مشاكل وبعده تخسرون اخوكم

خلوها بحالها .. لكم دينكم ولي دين

وعنوان الموضوع كان افضل لو انك مخليته دعوه لاخوك بالصلاح والهدايه وان الله يرده لكم بدال الدعاء على زوجة اخوك يابعدي

الله يصلح حالنا وحالكم والمسلمين اجمعين