الله يحرم جسدها على النار اللي تفيدني

افتحي لك حسابات في التواصل الاجتماعي وسوي تسويق وجمعي المتابعين وعملاء تصميم بوربوينت ..الخ واذا جاك طلب وحولو روحي لموقع خمسات وتخليهم يسوون لك ..او اذا انتي فنانه في الحلويات اطبخي واعرضي منتجاتك ع الكفيهات

الله يرزقك ويعوضك خير
ويرزقك بر أبناءك..
سمعت والله أعلم ان الجمعيات الخيرية يصرفوا للمطلقة إعانة مالية

الله يعوّضك خير ويفتح لك أبواب رزقه

الله يرزقك من واسع فضله 💗

شوفي وش الاشياء اللي تحبينها وتتقنينها من طبخ او اعمال يدويه او ازياء وديكور
اذا تحبين الطبخ سوي حلى وتعاملي مع محلات حلى تبيع اسر منتجه واعرضي حلاك بس ترا راح ياخذون منك نسبه
واذا تحبين الاعمال اليدويه عندك صناعة الشموع او تسوين معمول بخور او اي شي ترند
او تجيبين بالجمله وتبيعينه اكسسوارات للجوال او شنط افتحي حساب انستا وبيعي الحين الفرص كثيييره
بالأول والاخير التوفيق من عند رب العالمين ولاتتركين الصدقه بكل شي تبيعينه لو بريال 💗

اهلي وسهلين . ربي يعوضك خير . الطلاق بداية الانطلاق الى مستقبل أجمل طالبي بحقوق اطفالك من زوجك وحتى هم جالسين معاك طالبي بمبلغ مالي قيمة جلوسهم ولو حتى كانوا جالسين في بيت اهلك . حاولي تتعلمي النقش او تتقني طبخه او تتعلمي المكياج والاستشوار او الخياطه هذه كلها مهارات تمولي لها وانتي في بيتك. واذا ماكملتي دراسه كملي يمكن تصيري شي كبير في المستقبل. كثير اعرفهم تطلقوا ومعاهم اطفال كملوا دراساتهم واللي صارت مدرسه واللي صارت ممرضه