الله يحرم وجهها علئ النار الي تساعدني في مشكلتي.......

السلام عليكم...
هذي اول مشاركة لي، 
محتاره مادري شلون ابدا بكلامي بس مثل ماهو واضح من العنوان انا محتاجه رأي حكيم يساعدني في مشكلتي..
لاني والله بهم وضيقه مايعلم بها الا الله..
انا صارلي سنتين بالضبط متزوجه حامل والحمدلله بالشهر السادس..
مشكلتي ابتدت مع الحمل  ...كان زوجي متلهف علئ مااحمل وكانت عندي مشاكل بالدوره وعالجتها عشان احمل مع اني ماكنت مستعده ابدد للحمل ..بس عشان زوجي سويت كل هذا..ومن اول شهر بالحمل وانا اعاني من ضيقة صدر..
لاني ساكنه بالرياض واهلي برا الرياض.. ولما اتعب من شقتي وابي اغير جو كان يرفض بحجة انو انا حامل وهذا مايصلح لي ولازم اريح ..قلت اوك كلها كم شهر وارجع مثل قبل..بس الي صار وقهرني مرره انو قبل شهرين تقريبا كان جايبني عند اهلي وجلست عندهم اسبوع ولما رجعت لبيتي حسيت ان زوجي متغير علي..صاير مايجلس بلبيت ابدد اغلب الوقت عند اهله او بالممشا او بالمقها ...وحتئ ماعاد يهتم بالاكل عندي وماتفرق معه طبخت او لا ...وفي يوم كنت صايمه الاثنين ورايحه افطر عند اهله قالت لي اخته دريتي ان زوجك وزوجي واخوي وولد عمتي بيسافرون اندونيسيا.......!!
انا هنا جتني صدمه مو طبيعيه ..لاني سمعته بالصدفه يكلم واحد ويقول سفر مادري ايش...بس ماتوقعت ابدد انه يسافر من غيري لانه قبل الزواج ماعمره سافر ابدد..وحتئ لما تزوجنا مارحنا شهر عسل ولاتمشينا مع انه كان مواعدني قبل الزواج نروح شهر عسل اندونيسيا..بس ماحصل لان صارت ظروف..وعمري ماتوقعت انه يسافر بدوني ..لاااا واندونيسيا بعد الديره الي نفسي فيها والي كان مخطط يروح لها معي انا وبس...
والله ماتخيلون اثر الصدمه علي...
المهم ولما رجعت لبيتي كنت حدي متضايقه وكنت ناويه افاتحه بالموضوع بس جاني شي غصب سكتني..ومرت ذيك الليله ماقلت له شي..وبعد كم يوم لما جيت انام شفته سرحان ويفكر . قلتله بكل برود ماودك تقولي شي..قال مثل ايش،قلت وش سالفة السفرة ...قال كلام بس للحين ماصار شي واحتمال مايوافقون ع اجازتي . وبس قفلنا ع الموضوع ونام وانا جلست للصبح ابكي ...وبعد فتره قالت لي اخته انهم وافقوا ع اجازته وسفرتهم راح تكون بلعطله..وانا استغربت لانه ماطرا عليه يفاتحني بالموضوع وكان شاري ملابس جديده ولما سالته قال اخوي بيسافر مع اخوياه وقالي تعال اختار معي واعجبتني هالملابس وشريتها...وانا كل يوم يمر علي مستحيل ماابكي فيه وتمنيت الموت والله اجلس اسبوع او اكثر وانا جالسه بلبيت لحالي لا اشوف شمس والا اشم هوا...وسالته وش صار علئ سفرتكم قال وافقوا ع اجازتي و زوج اختي حجز لنا قلت كم المده قال مادري عن نسيبي..
قلت طيب انت مواعدني تسفرني قال انتي الحين حامل وعد اول ماتولدين اسفرك ...صعبه اروح اندونيسيا اول مره وماعرف شي،فيها وانتي معي..لازم اول مره اتعرف ع الديره والمره الجايه باخذك معي...طبعا انا هنا سكتت وماقلت شي بس كنت من جوا مقهوووره...وقبل اربع ايام قالي جهزي شنطتي..هنا خنقتني العبره قمت اجهزها وانا ابكي،
وبنفس الوقت جهزت شنطتي لانه بيودني عند اهلي..
وانا حاليا عند اهلي وهو بالرياض،وسفرته بعد كم يوم..
والله اني مقهوره وخايفه عليه انه يسوي شي غلط هناك..
هو راعي حركات مغازل..وقد شفت في جواله ارقام بنات واشيا تقهر ...بس اتوقع مستحيل انه يقرب الحرام او الشراب.. وهو يقولي حنا رايحين بس نبي الطبيعه ..
مادري محتاره اني اقاطعه طول فتره سفرة وازعل عليه بس خايفه انه يعيش جوه اكثر ويستانس..والا اني اكلمه عادي...
شوروا علي تكفون انا نفسيتي زفت وصايره عصبيه بس اعصب ع اهلي ومااتحمل اي شي..