الله يحرم وجهها على النار اللي ترد علي وتساعدني (وش طبي أنا ؟)!!

السلام عليكم ورحمة الله وبركاته


صبحكم الله بالخيرات والمسرات

أنا متزوجة حديثا يعني عروس :icon28:
الشهر الماضي تأخرت دورتي توقعت اني حامل ورحت حللت قالت مافيه حمل !!!
معي الم بظهري شدييييييييييد من جهة اليسار تحت وايضا الم في ارحامي من جهة اليسار يعني متقابلين ومعي زي الوحم حتى الهواء اكره ريحته !!

المهم تأخرت دورتي جدا لكنها جت بعد تأخر 16 يوم نزلت خفيفة وبني لونها !!
ورحت لحرمة ولمستني قالت ما معاك ميلان (أنا بصراحة توقعت معي ميلان لان الالم شديد باليسار !!!) لكن الحمد لله هذا من فضل ربي
لكن الحرمة قالت لي : ارحامك مرة تعبانة وفيها دم متحجر ما هو بهين !!! لازم تأخذين علاجي وتاكلينه مدة شهرين متواصلين (علاجها لهوم + شاي اعشاب + حاجة مطحونة مع القهوة + تحاميل )
وراح تلاحظين بدورتك نزول قطع كبيرة مررررة !!
وسألت الحرمة احتاج لمرخ ولا لا ( يعني اروح لحرمة تمرخني ؟ لان الحرمة هذي ما تمرخ بس تلمس )
قالت لااااااا انتبهي تمرخين !! ياوليدي والله كثيلار حريم انحرمن من الضنا بسبب المرخ يروحن للحريم ويلعبن بارحامهن لعب !!!

قالت لي انتي امرخي نفسك في وقت دورتك لازم الصباح على جووع انسدحي على ظهرك وتمددي وجيبي زيت زيتون وامرخي مرخ خفيف لارحامك من تحت لفوق وكأنك تجمعينها على منطقة السرة

المهم رحت بعدها لطبيبة نساء وسوت لي اشعات وحركات وخبرتها بكلام الحرمة قالت لي ايش الخرافة هذي!! ( يرفع الله الذين ءامنوا والذين أوتوا العلم درجات )

شوفي ارحامك وشفتها بالاشاعة قالت لادم متحجر ولا خرابيط ارحامك ما فيها شي !!

و تركت علاج الحرمة ما كليته بالرغم اني اشتريته ب 500 ريال آآآخ يالقهر !!! لكن لعله خيرة !!

الحين يا حبيباتي جتني الدورة من البارح بالليل وظهري شوي ينكسر وبطني كأني شايلة بلكه في ارحامي ومعي مثل الوحم والدم ينزل عادي فيه قطع سوداء وفيه دم احمر لكن مو كثير!!!

الحين يا اخواتي وش شوركن علي !!

1-اخذ علاج الحرمة هذي الحين بالدورة واستمر عليه شهرين تاليين
( والله مشوااار يوميا تاخذين علاج الدورة لكن يبي يعينني الله )!!

2- او بس اكل علاج الحرمة بالدورة واصدق كلام الطبيبة وبس !!

3- او اروح لحرمة تمرخني يمكن اللي فيني فقرة او سدد او مدري وش !! لكني مستحية من زوجي !! انا في مدينة ما اعرف الا هو فيها ومستحية اخاف يقول يووه ما امداني اخذتها قمت ادور بها واعالجها !!!:44:

او لعل عندكن رأي مبارك !!!


الله يفرج على كل وحدة ترد علي وتساعدني ويفرج لكل وحدة دعت لي بالذرية الصالحة حتى لو انها قرأت بس ما ردت

ربي لا تذرني فردا وانت خير الوارثين !!





ملحوظة : أنا زوجة ثانية تزوجني زوجي حتى يرزق بذرية !!!!!!!!!!! فلا تقولون ليش مستعجلة على الحمل !!!
عاد انا ماني مستعجلة حيل وان كنت اريد ذلك لكن ان فرج الله مني قرييييييييب

وفقكن الله