الله يسعد ويفرج هم كل من ردت علي،،،بس ما احد جاوبني عن الفندق اللي ابتلشت فيه الله لا يسامح المكتب اللي جبرتي عليه بحكم مافي شاغر غيره ،،،،سؤالي مين جربت فندق أندمان ب لنكاوي،،،وكيف اقدر اروح المنتزهات والفعاليات السياحيه بلنكاوي ،،،هل في تاكسي يجئ للفندق،،،اعذروني على إزعاجكم يا عسى ربي يوفقكم جميع

بنات،،،كلمت المكتب وترجيت الهندي يغير لي هالفندق المرعب وقال برسل إيميل لماليزيا ويوم الاثنين ارد عليكم،،،تتوقعون صحيح في مجال يغيرون الحجز،،، وايش اختار فندق في لنكاوي،،يكون قريب من الاماكن ال سياحيه والمطاعم،، ويكون خمس نجوم ابي كل شي نظيف ،مشكلتي زوجي مايحب الفرفره ،،،فأبي فندق قريب لكل شي،،ادري أني عضوه جديده بالمنتدى وازعجتكم من اولها،،بس والله مالي الا الله ثم انتم،،خصوصا انها اول سفره لي وتعتبر حلم.

حبيبتي الفندق الي تبينه في لأنكاوي والمكتب ماوفره لكم دوري عليه في مكاتب ثانيه او في موقع بوكينج وطبعا تقدرين تغييرين في الحجز زي ماتبين غصب عنهم اذا بوكينج الموقع العالمي يلغي الحجز ليش المكتب مايغير

لان الغرف الي حاجزها المكتب نفذت مو معناه انه الفندق كله فل وممكن تلقين عند اي مكتب ثاني غرف شاغره

وبالنسبه لولدك المفروض صاحب المكتب يعطيكم غرفه ثناىئيه وتطلبون سرير إضافيي للولد يعني تصير ٣ اسره تدفعون بس سرير حق الولد او ممكن تاخدوا غرفتين جنب بعض وحده ثنائيه ووحده مفرد لولدك و المفروض مايعطيكم غرفه وصاله أنصحك منتدى سفاري ماليزيا تلقين هناك ناس خبره من الجنسين يفيدونك في موضوع الفندق للي يناسب لكم
وصحيح الطفل اقل من ١٠ او ٧ سنوات مجاني لكن اغلب الفنادق الطفل فوق ٧ سنوات يحسب زي الكبار

وانتبهي ترى تقدرون تلغون وتعد لون على كيفكم في الحجز لايضحك عليكم الهندي ويقول ما نقدر

غاليتي غير الحلوين اسعدك الله حيثما كنتي ,,على ردك الثمين والمفيد,,وبصراحه تأكدت من جميع الاخوات ان المفروض احجز غرفه لشخصين وبعدين اذا وصلنا لماليزيا اطلب سرير للطفل مقابل مبلغ معروف عندهم ,,طبعا هذا اللي فهمته من الاخوات بس طبعا بما انها السفره الاولى لي اكيد راح اخسر الكثير بس نتعلم للجايات.