الله يحرم وجهها عن النار اللي تدخل وتفيدني ..إستفسارات للمطبخ .. فيدي واستفيدي ..

بنات انا ناويه افصل لي مطبخ ودررت ودرررت في كل المواضيع الخاصه بالمطابخ وعندي كم استفسار وحابه اللي فصلو يساعدوني فيها لأني من جد ضعت بقوووه و مالي الا انتم بعد الله ..
ندخل في الأستفسارات على طول ..

قريت انو البعض ينصح برفعة البلاط قبل تفصيل المطبخ ..وعرفت ان الرفعه مقدارها عشره سم لكن العمق احسن شي يكون كم ؟

وبالنسبه للثلاجه كيف احسب عمقها لأن مثل ماتعرفون ممكن اغيرها في المستقبل وماابي اتوهق بالعمق هذا ؟

والدرف قررت اني ازيد طول الدواليب العلويه في بنات يقوولون 80 وبنات يقوولون 90 .. واخلي الدرف ثلاث بدل الثنتين وهو الشي المعروف عشان استغل المساحه الفاضيه اللي بتزيد ..
طيب لو خليتها ثلاثه ماراح يسبوون زحمه اذا جيت بطلع شي من داخل مثل الكاسات وغيرها ..!

وحده من البنات قالت خليه يحسب لك المتر بالطول .. ليه في حسابات ثانيه ووايش هي ووش احسن حساب ؟
انا ناويه احط البوتاجاز عيون غاز فوق مع السطح .. لأني مااعرف للكهربائي .. بس ابي اعرف احسن ماركه وكم يجي سعرها وهل اخذها من محل التفصيل او اشتريها انا بنفسي احسن واعطيها لهم عشان يركبونها لي مع المطبخ ونفس الشي بالنسبه للفرن اللي في الدواليب وهل اذا ابيهم اثنينه ع الغاز عادي وكيف اوصلهم باسطوانة غازوحده يعني في حل والا لازم واحد فيهم غاز والثاني كهربا ؟

وبالنسبه لعيون الغاز اذا ركبتها هل هي عمليه وماتأثر على السطح والا مع الوقت بيتغير ويخرب حولها .. لأني ابي شي لي وللزمن وهالمطبخ اكيد اني ماراح اغيره ابددد ..

انا من كثر مدح البنات للعليان والعفيفي قررت اخذ من واحد منهم مع اني ماشفت العفيفي عندنا لحد الحين بالشرقيه والعليان اسعاره غاليه .. لكن ياليت اللي جربت في واحد منهم تقول لي تجربتها .. واللي جربت في محل زين في الشرقيه يالت ماتبخل علي برايها وتجربتها ..

الدرف الداخليه في بنات يقوولن خليه يسوي سمكهم ثلاثه سم وناس يقولون 3 ملم .. احترت سانتي او ملي ..!

نصيحتكم بالنسبه للسطح هل اخليه جرانيت لأني لاحظت ان الاغلبيه ماذكرته في تجاربها وهل هو كويس في المجلى واذا وحده مجربه رخام بانواعه او او شي غيره ياليت ماتبخل لينا ..


وآخر شي .. ابغى غساله غسيل و تنشيف ميه بالميه .. مين جربت مثل هالغساله وكم سعرها ومن وين شرتها ..!


ادري احتفلت فيكم وكثرت أسئله بس من جد محتاااره وقلت احط خلاصة معلوماتي ومعها استفساراتي عل وعسى الاقي لي جواب وارسى على بر .. :o

هيا انطلقووووو رعاكم الله ..