السلام عليكم ورحمه الله وبركاته الله يخليكم يامشرفات لاتنقلونه الله لايوريكم بامهاتكم سوء تكفن هنا القسم اكثر زياره على وعسى القى لوالدتي حل
الله يجزاكم الجنه ويخليلكم امهاتكم واولادكم جميعا والله يوفق من ترد علي او تدعي لوالدتي باالشفاء العاجل
ابقولكم القصه
والدتي تعاني من الام في البطن وتكرمون معها اسهال واستفراغ الكلام هذا من قبل رمضان وبرمضان وربي اني شفت دموعها من شده الالم وربي اني تحطمت مادري وش اسوي بس نقرا عليها انا واخواتي واخواني يكون معاها مغص شديد ولا تاكل اي شي بس تون من الالم ياقليبي ياميمتي قطعتي قلبي المهم اخوي وداها لمستشفى اهلي وسوولها تحاليل ومنضار وقالو لها فيك جرثومه واعطوها كم نوع من المضادات والحمدلله تحسنت شوي وزانت نفسيتها شوي وامي اصلا انسانه مبتلائه عانت من يوم هي صغيره من تعب نفسي وجسدي تصدقون يابنات وربي من يوم طلعت انا على الدنيا وانا اشوف امي تعبانه ويوم كنت صغيره كنت اقول ليش امي انا دايما تعبانه وصديقاتي امهاتهم ماشاء الله عليهم يجون بكل حفل تسويه المدرسه وانا ماتجي امي واقولكم بعد ابوي من يوم عرفته وهو تعبان بس ابوي انسان كبير باالعمر لكن الله يرحمه ويسكنه فسيح جناته ويشفي والدتي المهم ابكمل سالفت المستشفى امي اذا تركت العلاج الي صرفوه له تتعب وتجيها الاعراض نفسها والمضادات ذبحت معدتها زياده لان امي عندها الضغط ودهون وهشاشه والقولون لكن الحمدلله على كل شي المهم راحت للمستشفى مره ثانيه وسوو لها تحليل وقالو راحت الجرثومه ومعك دسنتاريا واعطوها علاج والحين رجع لها وراحت لمستشفى ثاني وقالو مامعك دسنتاريا معك نوع اخر بس والله مدري وشو نسيته والله المهم اعطوها علاج والا الان ماخف بس اسهال تكرمون واستفراغ وتقول احس بحراره ببطني ولا اشتهي اكل ابدا وعندها فقر دم ولا ادري وشنسوي وربي تعبت نفسيا وتو كلمتني تقول وش اسوي المستشفى ماعرفو علتي وربي يابنات امي انسانه ماشاء الله عليها ايمانها قوي وتعلقها بالله كبير وتقول المشتكى لله وحده بس ابفعل الاسباب وقلت ابكتب لحبيباتي لراعيات الفزعه خواتي بنات حواء عل وعسى القى حل عندكم الله يخليكم اذا احد مر عليه نفس الحاله تقولنا على الحل
واسفه اني طولت عليكم بس اعذروني والله لايوريكم بامهاتكم سوء هذي امي حلوه البن عسى ربي يشفيها ويخليها لي ويطول بعمرها ادعولها بنات الله يخليكم ومشكورين ماتقصرون
مميزه ومالي شبيه @mmyzh_omaly_shbyh
عضوة فعالة
يلزم عليك تسجيل الدخول أولًا لكتابة تعليق.
طيب ليش ماتجربون العسل فيه شفاء للناس وماء زمزم لما شرب له ,
اسأل الله العظيم رب العرش الكريم بمنه وفضله واحسانه وعطائه ان يشفي والدتك شفاء لايغادره سقم ويقر اعينكم بشفائها ولايحرمكم منها ...
اسأل الله العظيم رب العرش الكريم بمنه وفضله واحسانه وعطائه ان يشفي والدتك شفاء لايغادره سقم ويقر اعينكم بشفائها ولايحرمكم منها ...
الصفحة الأخيرة
أجتهدو وعلى الله التكلان
أسأل الله العظيم في هذا اليوم أن يشفي أمي وأمك ويقر عيننا بشفااائهم أنه على ذالك لقدير