الله يحسن خاتمتكم ويسعدكم دنيا واخره ريحوني هونو علي انصحوني

الأسرة والمجتمع

:44:السلام عليكم حبيباتي
والله اكتب لكم وانا حاسه فيني غصه ودي اصيح مشكلتي غير عنكم مو مع زوجي لا لا مشكلتي مع اخوي..اخوي الله يهديه موظف وظيفه حلوه الحمد لله مايبغى يتزوج من قرايبنا لكنه ميت على العرس والله يابنات انه موناقصه شي الحمد لله لا من ناحية الوظيفه ولا الشكل ولا الدين الحمد لله مااقولكم مطوع لمن الحمد لله بس مصيبته في انه مايبغى يتزوج من قرايبنا بتقولولي ليسش مشكله اقولكم لان ابوي ماهو راضي غير يزوجه وحده على الاقل تكون من نفس فخذ عايلتنا...وهو الحين مصمم يبغى يتزوج اخت صديقه صحيح انها من عايلتنا لكن مونفس الفخذ وابوي الله يهديه رافض واخوي الحين زعلان صار له فتره مازارنا بحكم ان دوامه خارج المدينه اللي احنا فيها ...بس الحين جاني في بيتي بدون مايمر على اهلي ومازال مصمم على رايه يبغى اخت صديقه يقول اذا ماخطبتوها لي والله العظيم اذا جا رمضان راح اتزوج من برا السعوديه واجيبها هنا...وانا ضايق صدري الله يخليكم انصحوني فهموني كيف اقنع ابوي لان اخوي الله يهديه عنيد وابوي طيب قلب بس شوي العادات والتقاليد مسيطره عليه حاولت اقنع اخوي بس ماقدرت وهو له الحق يختار اللي يبي بس لازم رضى ابوي انصحوووووووووووني:(:44:




رجا يابنات اللي تدخل لاتجرررح بالكلام ابوي واخوي وانا طالبه منكم المشوره او الدعوه لهم يااارب والله ضاق صدري ماابيه يتزوج من برا وبغير رضى ابوي معقوله يبي يخوفني علشان اقنع ابوي بالعرس والله ماادري اففففففف:(

حبيباتي انا فاهمه ان اخوي من حقه يختار شريكة حياته بس ابوي كيف اقنعه مانبي نزعله.؟؟؟




















ايه والله الكلام غير والحقيقه غير مثل ماقالت احد الاخوات وانا عارفه كل الكلام اللي قلتوه ابوي في الاول كان يبغاه ياخذ وحده من قرايبنا من بنات اعمامه او اخواله بعدين اقنعناه وافق بس بشرط تكون من نفس الفخذ يعني ماحدد وكلهم على حق ابوي يبغى من بنات ناسنا حتى لو مايقربو لنا واخو يمصمم الا اخت صديقه...واحنا ماشفناها ولا نعرف حتى اسم امها يعني مانعرف عنهم شي واخوي يقول ابيها مهما كان شكلها راضي...الله يعين والله احس نفسي انسدة عن كل شي ويلي ابوي ويلي اخوي اللي اخاف عليه ويجيه بليس ويضحك عليه شباب يبون الزواج الله يستر ابي احاول افتح الموضوع مع ابوي الليله اذا قدرة مع انه قايلي ماافتح الموضوع قدامه مره ثانيه
10
901

يلزم عليك تسجيل الدخول أولًا لكتابة تعليق.

تسجيل دخول

خايفه من الزمن
شوفي الرجال اذا حطو شي في بالهم حطوه

وزوجي تقريبا مثل اخوك بس ما كان يعرفنا الا من ام صديقه

وسوا المستحيل وتهاوش مع اهله حتى رضخوا للامر الواقع

اذا انتم تعرفون البنت زين وتعرفون امها حاولي تقنعين ابوك اواخوك يكلم المقربين من ابوك زميله احد عمامك

يمكن ان شاء الله يقتنع ابوك
زهرة الذهب
زهرة الذهب
حاولوا تقنعون الوالد
لأن بصراحة من حق أخوك يختار شريكة حياته
إذا مافيه شيء يعيبها توكلوا على الله وأخطبوا اللي هو يبيها
:26:
سارا
سارا
حاولو تقنعون الوالد والله يوفقه ويكتبله الي به الخير
لولو ليوني
لولو ليوني
مشكلتكم بالوالد الله يحفظه >>> خلوه يترك الفكره هذي حاولوا معاه بالاقناع

ثم الزواج مو اكراه !! يعني مش بالغصب! والولد من حقه يختار اللي بتشاركه حياته بنفسه !!!


ترا كل شي تقدرين تغصبين الناس عليه عدا الزواج


افترضنا ان الوالد نشف راسه وقال مافيه الا هالبنت لانها من نفس (( الفخذ ))!!!

والولد وافق عشان ابوه غاصبه! اخرتها بتصير حياتهم مشاكل في مشاكل ولا يستبعد فكرة الطلاق بعد

وش الاستفاده من الفخذ اللحين!!



وبعدين اكره شي زواج الاقارب تراه اسباب الامراض الوراثيه ............


حاولوا مع ابوكم ... لان الولد لو وقفتوا في طريقه بيتهور ...وبياخذ اجنبيه على كلامك عاد يله خذي اجنبيه والأجنبيه ما وراها الا البلاوي الا

من رحم ربي ...
ودق الأمل
ودق الأمل
اولا اوعدي اخوك خير واطلبي منه الإستخارة والدعاء
ثانيا حاولي اقناع ابوك بأن الزواج المجبر عليه قد لا يستمر وان الشرع يحرم هذا الفعل وانها من العادات الجاهلية وقد يكون سبب في عقوق الأبن واقنعيه انه إذا وافق على طلب ولده يكون سن سنة حسنة في قبيلتكم ويكون له اجرها إلى يوم القيامة
والأفضل لك إنك تتصلي على شيخ وتخلين ابوك يكلمه والشيخ إن شاء الله بيوجهه وينصحه .