حللي الجرثومه بالنفخ لانها ادق شي تطلعلك الجرثومه بالنسبه اذا كانت خفيفه او متوسطه او قويه

الله يشفيك يارب... لازم تكشفين روحي الدكتور و طمنينا اش يقول

محد فينا يقدر يفيدك بالسبب الحقيقي هنا كلها مجرد تخمينات

لاننا مانعرف اذا عندك مشاكل صحيه سابقه وتاخذين ادويه معينه او مكملات ولا نعرف طبيعة تغذيتك

الافضل تروحين المستشفى تفحصين وتتأكدين وتستفسرين منهم مباشره عن اسباب الكدمات عشان ترتاحين

اما بخصوص فقر الدم فهو يسبب تعب وخمول وشحوب بالوجه ودوخه وخفقان بالقلب فلا تستهينين فيه

خاصة انك طالعه من ولاده يعني طبيعي بعدها جسمها فقد دم وفيتامينات ومعادن كثير ويحتاج تعويض

اهتمي بتغذيتك وركزي على الفواكه الطازجه خاصة الكيوي البرتقال الشمندر او البنجر ، والورقيات الخضراء مثل سبانخ جرجير بقدونس كزبره كراث والخضار بكافة انواعها خاصة البروكولي الاخضر

اعملي لك فطور بالشوفان والزبيب والحليب عشان جسمك يتغذى ويقوى

واذا عندك عسل اسود ممتاز لفقر الدم تاخذين منه ملعقه وحده وتذوبينها بكوب مويه وتشربينها على الريق او تحلين فيه الحليب والكورن فليكس وتاكلينه

واعملي عصير البنجر واشربيه يوم ورا يوم ممتاز لفقر الدم قشري حبه وحده بنجر واضيفي لها جزره وتفاحه وبرتقاله واعصريها بعصارة الجزر واشربيه

وحاولي قد ماتقدرين تمنعين الكافيين بكافة مصادره شاي قهوه شوكلاته مشروبات غازيه خاصة قبل وبعد الاكل بساعتين

صدقيني اذا اهتميتي بتغذيتك واكلتي حاجات مغذيه كلها شهر شهرين وبتلاحظين ان صحتك تحسنت كثير وحتى نفسيتك بتزين ويصير عندك نشاط