الله يحقق لكم الي تتمنوه ساعودني

السلام عليكم
كيفكم انا بكتب لكم قصتي كلها من وقت م ت زوجت لليوم
وابغى مساعدتكم الله يعطيكم الاجر ويحقق لكم م تتمنوه في الشهر الكرييم
انا متزوجه تقريبا لي 11 شهر باحكي لكم معاناتي فيها
قبل زواجي كنت اكلم شخص يعني قبل لا انخطب وقبل كل شي
وبعدها قطعت عنه 3 سنين ربي هداني والحمدالله
الهم انا انخطبت العام وانا كنت ثالث ثانوي والحمدالله مشي كل شي تمام
وملكت قبل الاختبارات بشهر وكان وضعي معاه اللهم لك الحمد
وكان زواجي شهر 11 وتم الزواج ب افضل م يكون
اول اسبوع من الزواج مشي زي العسل ثاني اسبوع
حسبي الله عليه الي كنت اكلمه قبل 3 سنين جاء كلمني وزوجي عرف
هنا بدينا رحله الشك وعدم الثقه واهله عرفو واهلي عرفو زوجي مره كبر الموضوع
سحب جوالي ورماني بيت اهلي قال معد ابغاها المهم انا فهمت اهلي السالفه كلها
انو علاقه قديمه وانتهت وربي هداني اهلي اتفهمو معايا شويا بس طبعا انضربت يعني
واهلي حالو يصلحو بيني وبين زوجي وفهموه كل شي وزوجي فهم والحمدالله مع ان زوجي كان قبل
الزواج صايع حق بنات وفلات بس الحمدالله ربي هداه
المهم ثاني شهر قطعني عن صحباتي قال معد في صحبات قلت مو مشكلة زوجي اهم
سحب جوالي قلت مو مشكلة خليه عشان الثقه ترجع ويشوف اني م ابغاء غيره
بعدها بشهرين من زواجي حملت والحمدالله وصرت انا وياه بس مشاكل
م يجلس في البيت يوميا يروح الديوانيه عند اصحابه معنى الديوانيه يعني العزبه
ابغى احضن زوجي ابغى احس ان معي رجال مو عايشه لوحدي واهله ساكنين في الشقه الي جنبي
بس انا م احب اهله كثير وهم حاطيني فوق راسهم الله يعطيهم العافيه
المهم بعدها جاني في يوم قالي نزلي الي في بطنك انا ماني مسعتد لذا الشي
المهم نفسيتي تعبت وحالي صعب وكان عندي اختبار في جامعه الملك عبدالعزيز
ورحت عند اهلي غاضب كنت م اكل بس ابكي حالي صار جدا سئ بعدها اسلبت
رحت المستشفى اسوي تنظيف رحم ونفس اليوم خالي راح يتكلم مع زوجي
وزوجي كان رافض يرجعني كان يبغى يطلق المهم بعدها كنت في المستشفى
وخالي بعد م جلس مع زوجي خلاص راح
اتصل عليه خالي قاله حرمتك اسلبت في المستشفى
والله ي بنات جاني زي المجنون وقتها طلعت الدكتورة قالت احد من اهلها يجي ياخذها من
ذي الغرفه يوديها غرفه ثانيه كنت جنب بعض المهم زوجي م يقدر يشيلني لانه مره نحيف
اخويا شالني وكلي دم والارض صارت دم زوجي مره خاف وصار يرجف وامي كانت معايا
قالت للدكتوره خوفي زوجها بينهم مشاكل عشان يحس فيها ويعاملها كويس والدكتورة سمعت كلام امي
راحت له قالت له هي مره تعبانه حالتها النفسيه جدا تعبانه البنت صحتها مره لا
اكلها شربها داريها يعني اهتم فيها المهم رجعت عند امي بعدها اتصل على ابويا قاله برجع حرمتي
ابغاها ابويا قاله مافي مشكلة بس تلزم حدودك مو كل مشكلة تجي ترمي لي بنتي بيت ابوها اشرف لها
قال مافي مشكلة ورجعت بيتي وانا ميته فرح لاني قسم بالله حبيته حب اول حب عارفين الشعور كيف
م تبغي تخسريه المهم مشي كل شي تمام وفي مشاكل بسيطة تجي واروح عند اهله اقعد يومين 3 ايام اغير
جو وارجع بيتي ويرجع الوضع تمام بس قبل شهر الي هو شهر 8 صارت مشكلة معايا ومع ابويا
ومن غبائي جيت اشتكيت لزوجي الي حرمني من اهلي شهر بعد الموضوع
اني قلت له ابويا قال اتطلقي من زوجي و ازوجك ولد عمتك افضل لك ولد عمتي من زمان يبغاني
بس انا رافضتو المهم قلت لزوجي ويليتني م قلت له شهر م ازور اهلي ولا اطلع من البيت سحب جوالي
وامي مسكينه ماهي عارفه بشي وتحسبني ابغى اقطع عنها معد اجيها والله حالتي صعبه
وبعدها امي وخالتي الله يهديهم سبو زوجي في قروب اهلي وجوالي معاه وشاف الكلام صار يكره امي
ولعد يبغاني ازوها ولا اشوفها يقولي انا ماني من الشارع عشان امك تقول عني كذا وانا زوجي
مره طايش وعنيد وعبيط وانا معد اعرف كيف اتصرف معاه لي شهر ورمضان حيكون الثاني انحبس في البيت
كله عشان كلام اهلي وهوا يطلع كل يوم عند اصحابه واقعد لحالي في البيت احيانا اتمنى احمل عشان يجي
واحد وياخذ الطفش مني م اسمع كلام حلو من زوجي ولا يحضني ولاشي وفي المقابل يبغاني اسوي له كل شي
واسعده وابسطه وارضيه واسوي له كل الي يبغاه وانا يعاملني زي الجدار في بيته
بس لمن ابعد عن اهلي ومعد ادور عليهم يعاملني كويس
ولمن ادور على اهلي يقلب الدنيا صياح
ايش اسوي اعطوني حل انا تعبت نفسيتي تعبت لا اكل ولا نوم
وهوا متونس وعايش حياته ولا عليه