السلام عليكم ورحمة الله وبركاته
والله مو عارفه شلون ارتب افكاري واكتب لكم :(
صار لي 4 اشهر من تزاعلت مع ابو عيالي وطلبت الطلاق وانا مصره على رايي ,,
7 سنوات عشت وياه في خيانه منه وفي كل مره اسامحه واعديها له عشان حياتي وحياة اولادي تستمر
الى آخر مره قبل 4 اشهر اكشفته ان مواصل خيانه وجذب وغش ,, تركته وطلبت منه الطلاق ,,
في هالاربع اشهر ,,,
اهملني واهمل عياله ومايصرف علينا ولايسأل عنا ,,
بصراحه من غير مبالغه ارتتتتتتحت راحه مو طبيعيه بعيده عنه وبعيده عن المشاكل وعوار الراس
قاعده رايحه جايه مع عيالي وامي نضحك ونستانس الحمد لله ,,
وهو ولا داري عنا ولا احنا ندري عنه ,,
بعد فترره انا كلمت اخوي وقلت له أنا ابي الطلاق وياريت تكلم زوجي وتقوله إني طالبه الطلاق ,,
اخوي اتصل لزوجي وقعد معاه وزوجي اعتذر وقال انا ماابي اخسر زوجتي وعائلتي !!
ومستعد البي كل طلباتها ,,
اخوي بدوره وصل لي الكلام اللي قاله زوجي ,,
اتصلت لزوجي وقلت له انت شتبي يافلان ,, انا ماعاد لك مكان في قلبي عافك الخاطر من بعد ماكنت انت كل
دنيتي ,, قالي انا طلاق مابطلق ,, وحطي في بالج زين (( أنا لو فكرت لمجرد التفكير إني اخونج ترى معاي الحق!!))
تدرين ليش ؟ (( لأنج مو محترمه !!))
قلت له مشكور ورحم الله والديك ,, شتبي فيني الحين ؟؟ قالي انا ماابيج انتي انا إذا برد لج مو عشانج لااااا
عشان عيالي ,, قلت له وانا مو مستعده اعيش مع واحد مايعتبرني ولا شي ,,
قالي انتي اصلآ قليلة ادب وحتى اهلي مايحبون يتكلمون معاج لانج قليلة ادب ,, قلت له مو مشكله انا مابي شي
منك ولا من هلك انا ابي منك الطلاق وبس ,, قالي تبين الطلاق روحي المحاكم ,, قلت له خير ان شاء الله
مرت الأيام وقربت المدارس ,, ووقتها ماكان عندي فلوس وهو لا حس ولا خبر ,,
اتصلت لعمتي (( ام زوجي)) سلمت عليها وقلت انا آسفه لاني اتصلت بس المدارس قربت وابو فلان ماطرش فلوس
لولده قالت لي بقوله وبنشوف شصير ,, قلت لها خير ان شاء الله ,, بس عمتي بغيت اطلب منج طلب قالت لي قولي
قلت لها انا ام عيالك وماترضونها علي دشت المحاكم ياريت تكلمين ابو فلان عشان يحدد يوم ونروح نطلق ,,
لأني إذا رحت المحكمه بيطلبون مني الاسباب اللي تخليني اطلب الطلاق وحزتها بكون مجبورة اتكلم وانا ماابي
الفضايح والقيل والقال ,, قالت لي لا مايحتاج للفاضيح انا بكلمه وبقوله يروح المحكمه وياخذ موعد للطلاق ,,
وقالت لي مافي غير هاليهال ضحيه بينكم ,, قلت لها عيال مو ضحيه ان شاء الله انا بربيهم احسن تربيه ومابقصر
عليهم إذا ابوهم ماقدر يحافظ عليهم أنا اللي بشيلهم لين يكبرون ان شاء الله ,,
قالت لي العيب موب من ولدي بس العيب منج بعد !!
أنا هني انصدمت وقلت لها شنو العيب اللي فيني ؟!! قالت لي انتي اللي تخلينه يروح لهالسوالف !!
قلت لها انا اللي اخليه يروح يخوني ؟!! قالت لي اي انتي تسوين من الحبه دبه !! قلت لها شتبيني اسوي إذا
شفت زوجي كل يخوني مع وحده شكل ؟! جربت معاه كلشي ومافاد شسوي يعني ,, قالت لي لا انتي الغلطانه
مو بس ولدي ,, قلت لها انا مابقول شي لأن عشرة الـ 7 سنوات مابينت بعين حد وانتوا اكثر ناس تعرفون انا شكثر
صبرت وكتمت وتنازلت ,, لكن اللي بقوله يارررررب اللي سواه فيني ولدج تشوفينه في وحده من بناتج عشان ذاك
الوقت بس اشوف ولدج وانتي شنو بيكون موقفكم بترضونها على بناتكم ؟!! وانتهت المكالمه
يوم ثاني رن تلفوني رديت وكان زوجي بس قلت ,, الو ,, إلا واحد شوي ويطلع لي من سماعة التلفوون ,,
ياقليلة الأدب يالي محد رباج ياللي ماتستحين ,, اللي سويتيه في أمي ماراح انساه لج ,, ماتستحين تتصلين حق
أمي وتصارخين عليها وتدعين عليها وعلى خواتي !! قلت له انا ماصرخت على امك ولادعيت عليها انا قلت لها
ان شاء الله اللي سواه فيني ولدج تشوفونه في وحده من بناتج عشان تحسون بالنااار اللي تحرقني كل يوووم
قالي مالج حق على امي ولا خواتي ياقليلة الأدب وتم يصااارخ ويهزئ وانا ساكته ,, وانتهت المكالمه
ومن بعد هالمكالمه مادريت عنه ولا عن اهله ولا هو يدري لا عني ولا عن عيالي ,,
بس انا اودي عيالي يوم الإجازه لهم عشان مايفتقدون ابوهم ,,
ومرت الأيااااام اكثر من شهر ,,
اليوم العصر كلمتني خالتي وقالت لي انتي مثل بنتي وانا ابي لج الخير وتمت تنصحني اني ارد لزوجي عشان عيالي
وانها كلمت زوجي وقال لها ان متأسف ويبغي يرجعني ومستعد لكل طلباتي ,,
انا اسمع كلام خالتي وانا ميييييته من لصياح لأني مو متقبله إني ارجع له ,, قلت لخالتي ان شاء الله خير ,,
عيالي انا وديتهم لأبوهم ليلة الجمعه وخليتهم عنده الى اليوم والمفروض ان يرجعهم بعد الفطور عشان باجر مدارس
اتصل فيني بعد الفطور وقالي اسمعي ولدج شنو يقول عنج ,, قلت له شنو يقول ,,
سأل ولدي ليش ماتبي تروح حق ماما ,, ولدي قال لأن ماما تغربلني ,,
قالي سمعتي ولدج شنو يقوول وهو يصرخ علي!! قلت له ياولد الحلال هذا جاهل وباجر مدرسه ومايبغي يرجع
البيت لأن يعرف اني بنيمه وهو مايبي ينام ,, تاخذ على كلام جاهل ؟ تم يصارخ علي وسكرت الخط
بعد 10 دقايق اتصلت له ,, قلت له شوف يافلان أنا مالي بالمشاكل ولا وجع الراس لو سمحت لاتتصل هالمره وتصارخ
وإذا انت تحس ان انت واهلك احن على عيالي مني خلوهم عندكم ,, قالي لا انتي اكيد تحبينهم بس لاتصارخين
عليهم ولا تضربيهم ,, قلت له انا مااضرب عيالي ولا اصارخ عليهم وإذا صار هالشي انا امهم مابقتلهم كل الامهات
يصارخون ويضربون عيالهم بس مو معناته انهم يقلونهم خير الامور الوسط ,, وسكرت الخط
اتصل فيني بعد شوي وقالي انا فهمت الموضوع ولدج قص علي اهو بالفعل مايبي يرجع لج عشان ماينام ,,
قلت له تو الناس ,, المهم انا اليوم اتصلت فيني خالتي وكلمتني عشان ارجع لك لانك كلمتها ,, وانا قلت برجع لك
بس بعد اللي سويته فيني من غير سبب مستحيل ارجع لك ,, لأننا مانصلح لبعض ,, قالي حتى لو رجعنا مابنرجع
مثل قبل ,, قلت له شلون ؟ قالي انا برجع عشان لعيال ,, قلت له مافي شي يجبرني ارجع لك عشان لعيال
عيالي انا اللي ربيتهم وانا اللي بربيهم لا انت ولا غيرك له دور في تربية عيالي والدليل ,, انك ماتسأل عنهم ولا
تدري بشي ولو انا مااجيبهم لك جان مادريت عنهم ,, وانتهت المكالمه بيني وبينه ,,
الحين انا مو عارفه شسوي الكل واقف ضدي الكل يقولي مو عشانه عشان لعيال ,,
اقسم لكم بالله العلي العظيم اني مو قادره اتقبله :( اقول لخالتي وامي شلون بنام وياه في غرفه وحده وانا مو قادره
اتقبله عفته خلاص اافهمووووني ,, قالوا لي فكري من الحين لبعد العيد وعطينا قرار ,,
وربي مو قادره اتحمل احس روحي بنهااااار هذي مو المره الأولي اللي اطلب فيها الطلاق والسبب خيانااااااته
وفي النهاية اتراجع وارجع له ,, وكل مره مثل اللي قبلها ارد اكتشف ان موااااصل خيانه
نفسيتي تعبااااااااااااااانه ومو عارفه شلون اتصرف او شنو القرار اللي آخذه ,, لان عن جد مو قادره اتقبل فكرة إني
ارجع له مو قادره اتقبل ان ينام معاي بسرير واحد عفـــــــــــــــته وربي عفته :(
عطوني رايكم ,, وادعووووولي بالفرج ,, عن جد تعبت من حياتي معاه ,,
"BABY DOLL " @quotbaby_doll_quot
عضوة نشيطة
يلزم عليك تسجيل الدخول أولًا لكتابة تعليق.
نوووفا
•
ربي يفرجها عليكي يا اختي بصراحة حااااسه بكلامك
ومحد مجبور على احد ولو عالعيال ربي بيتولاهم
واهم شيء انتي استخيري كثري من الدعاء والاستخارة صدقيني بترتاحي لكن بقلك كلمة لاتجاملي على حساب نفسك بكرة العيال بيكبروا وربي يتولاهم
ومحد مجبور على احد ولو عالعيال ربي بيتولاهم
واهم شيء انتي استخيري كثري من الدعاء والاستخارة صدقيني بترتاحي لكن بقلك كلمة لاتجاملي على حساب نفسك بكرة العيال بيكبروا وربي يتولاهم
مشكوره ياعمري
كلامج ريحني شوي
بس عن جد خايفه على عيالي لا يضيعون ويتشتتون :(
كلامج ريحني شوي
بس عن جد خايفه على عيالي لا يضيعون ويتشتتون :(
الصفحة الأخيرة
ويريح قلبك ... :26: