الله يحنن قلوبهم ع بعض

السلام عليكم ورحمه الله وبركاته

والله مدري من وين اببدا

راح اتكلم عن وضعنا بالبيت ابوي واخوي

اخوي موظف الحمدلله وعمره 26سنه
ابوي متقاعد ومتزوج ثلاث حريم


وربي سامحني على هالكلمه الصراحه ابوي مجننا طبعاً مجنن عيال الحرمه الاولى اللي هي امي
وابوي مايقتنع بااي شيء كل الناس خطأ وهو صح
نظامنا بالبيت نظام عسكري بس يدقق على كل شيء ومخلي حريمه الثانيات على كيفهن
وامي يحاسبها على الصغيره والكبيره

المهم برمضان ثاني ايام رمضان تهاوش ابوي مع اخوي وطرده من البيت
انا مااقول اخوي مثالي حتى اخوي الله يصلحه لسانه طويل
وامي تعبت من بعد مااطرده
والمهم امي زعلت على ابوي بس طبعا ابوي ماهمه زعل امي لان عنده بديل غير امي اللي طبعاً هن زوجاته الله ينصرنا عليهن بااقرب وقت

جاء اخوي قبل البارح يبي يعتذر من ابوي وابوي طرده من عند الباب
انا مااللوم اخوي لو يكره ابوي من يوم وهو صغير وهو مجننه
وامي تعبت اكثر وتدهورت حالتها
والبلاء ان ابوي يلعب ويضحك ولاكأنه مسوي شيء ويبينا غصب نضحك معه
كيف نضحك معه وهو سبب مرض امي ومشرد اخوي
بس الحمدلله الحين اخوي عندي بالشقه وزوجي الحمدلله قبل لايصير ولد عمه صديقه من يوم وهم صغار
بس والله لما اشوف اخوي كيف شكله الحين نحيييييف بالمره وبس يفكر وربي قلبي يتقطع
ولما اروح لااهلي اشوف البيت كئيب وامي طايحه بفراشها بس دموعها على وجهها وربي نفسي اصرخ بوجهه ابوي وقتها بس الشكوى لله مالنا الاالصبر

زوجته الثالثه عندنا بالبيت ولما اشوف ابوي كيف مدلع زوجته ومايرفض لها طلب وربي احترق من الداخل
تخيلن امي ولابحياتها رفعت صوتها على ابوي
وزوجاته الثانيات اللي تتكلم عليه واللي تكذب عليه ومع كيذا يخاف منهن
يعني اللي قدرتك تذلها
واللي ذلنك تقدرهن
وابوي مستحيل يسمع مني او من خواتي اي كلمه لو اجيب له ادله واحاديث مايقتنع

تخيلن امي كأنها ام لبنات ابوي من الثالثه ومع كذا زوجته تكذب على امي وتتبلى عليها
طبعاً حنا مانقدر نواجها لا وراها احد يدافع معها
قسم بالله مره كذبت على اختي الكبيره ومتزوجه اختي قسم بالله ابوي هزء اختي تهزيء
وعادي هي جالسه بينا ولاكأنها مسويه شيء

وانا اللحين حامل وبايامي الاولى من حملي ولازم ارتاح وزوجي خلاني عند اهلي وربي ماكملت اسبوع الا هجيت لشقتي
وربي عشان اخوي لانه هو بشقتي مع زوجي
قلت اروح لشقه اطبخ لهم احسن لي من مقابل زوجه ابوي
معنى ان الدكتوره قالت لازم ترتاحين لان الاشهر الاولى مررررره صعبه
وهذا اول حمل لي انا توي متزوجه
وعمري 24 ونحيييييييييييييفه بالمررررررررررره وقالت لي الدكتوره لازم ترتاحين
وانا خايفه بالمرررره
وربي مااخذه هم امي واخوي وهم خواتي الصغار