الله يحييكم يا بنات حواء... اشيروا علي ما لقيت احسن منكم للسؤال

السلام عليكم ورحمة الله وبركاته

اشتقت لكم ... كنت متابعه لكم باستمرار.. لكن بعد الزواج ومسوولية البيت والعيال نسيت نفسي وقصرت في ديني... وسمعت امس بالصدفه جزء من محاضره وجاءت سكرة الموت للشيخ نبيل العوضي.. وحسيت اني فعلا بحاجه اني اجدد ايماني...

وبنفس الوقت.. احاول يابنات مساعدة زوجي على ترك رفقاء السوء وتذكيره بالله وبالآخره.. فبغيت مساعدتكم بالخطوات اللي ابدا بها من خلال الأشرطه...نسمعها بالسياره لأني حسيت هالطريقه الأنسب لكثر طلعاته بالسياره وحبه للقصص..

افكر ابدا معاه بقصص الأنبياء .. اي سلسله تنصحون بها...؟؟
عقب محاضرات متنوعه.. ويحضرني شريط قصص لا أنساها للشيخ عبدالمحسن الأحمد..

افكر ابدا بالترغيب عقب الترهيب.. ولا اشرايكم..

ودعواتكم لنا بالهداية والصلاح يزاكم الله خير