الله يخليكم..بنتي عمرها سنة ونص وصدرها ذابحها

سلامتهاان شالله

اختي لاتجربين وصفات ينخاف منها المفروض تراجعين طبيب ثقه وتخلج متابعه معاه على الادويه

الوصفات الطبيعيه ممكن تفيد بعد شهور من المتابعه او ممكن تسوي مناعه بس علاج سريع مااظن ابدا تفيد بحالة بنتج

وبعد انتبهي يمكن بنتج تتحسس من شي معين في بيتكم او سريرها ام مخدتها غيريهم وجددي هوا بيتج يوميا وابعديها عن مكيف مباشر عليها او حر زايد او غبار

انا ولدي عنده ازمه وتتهيج عليه من فتره لفتره واعطيه فنتولين واحيانا وياه مضاد حيوي وموسع شعب صدريه

واخر مره عطونا حبوب لتقويه المناعه حتى تقلل نوبات الربو عنده ياخذها 3 شهور مستمره بس ولدي عمره 10 سنوات حاليا وبنتج صغيره وايد

وابعدي عن البخور نهائيا

للرفع

سلامت بنتك
انا بنتى كانت تكح وما كانت الكحة تخليها تنام لغايت ما اعطيتها دوا اسمه بروسبان وهو شراب لمعالجة السعال من خلاصة اوراق اللبلاب المجففة وهو موجود عندنا بالصيدليات وممكن تاخده من غير وصفة طبيب
بس امانة لا تعطينه بنتك قبل ما تسالي عنه دكتورها لا يكون عندها حساسية منه
وكمان رفعت لبنتي سريرها من جهة راسها
الله يشفي لك بنتك

اختي عليك بالعسل الاصلي ومعاه شوية رشاد يعني ملعقه صغيره عسل اصلي ورشاد شوي مخلوط مع بعض وعطيها كل يوم عالنوم لحد ما تخف هذا مجرب فعلا يريح الصدر

أختي ، مسحي صدرها وظهرها بفيكس للأطفال ، قبل ماتنام ، وغطيها زين عن البرودة ومافيها الا العافية ، ترى مجربين الفيكس على طول فصل الشتاء ونحن نستخدمه .