الله يخليكم أبغى دعوتكم ( أنا تعبانة والسبب أختي)

بسم الله الرحمن الرحيم

غالياتي هذه أول مشاركة وبتمنى أشوف رايكم وفيه أحد مثلي وكيف أتصرف ؟؟؟:(
وبقولكم قصتي باختصار احنا ثلاث بنات أنا أوسطهم وتصغرني الصغيرة بعام واحد أما أختي الكبيرة تكبرني بثلاث أعوام وهي حساسة جدا من أي كلمة تزعل أو تنحرج
طبعا أنا عمري 20 سنة متزوجة من ثلاث سنين ولاجل النصيب تزوجت اول وحدة :icon28:
المشكلة اني أحيانا أحس اني أختي مضايقة مني وماتسمحلي اقعد مع أمي لحالنا تقول ممنوع:angry2: احيانا اشوفها تصيح:icon33: خايفة ان اختي الصغيرة تتزوج قبلها مع انها والله يابنات ما ينقصها شي جمال ودراسة وكل شي وحتى الخطابين كثار وأول مايشوفوها دايما تعجبهم ويطلبون وقت للاستخارة وبعد يومين يتصلون ويعتذروا وكم مرة سالنا عن السبب يقولوا شاف العريس :arb: في منامه رجل يقوله هالبنت ماتنفعلك والله أكثر من عائلة وما يعرفون بعض يابنات انا ودي انها تتزوج عشان ترتاح نفسيتها وأقدر أحكي عن زوجي وبنتي من دون ماأحسسها باحراج وعشان تتزوج الثانية صارت في سن زواج وكل الناس تسال ليش ماتطلعونها حتى الخطابين يسألون عنها بس أمي ماترضى عشان ماتجرح الكبيرة جرح ثاني مثل ماقلت هي حساسة جدا جدا
الحين جايها خطابين وبكره الشوفة :icon28: الله يخليكم الله يسعدكم ادعوالها عسى أن يكون الفرج قريب
والله لو تشوفوها تكسر الخاطر :( تحب بنتي كانها بنتها هي المسئولة عنها بكل شي حتى أحيانا تطلبني أخلي بنتي عندها
يابنات والله هي بحاجة لدعواتكم فلا تنسوها


أنتظر ردودكم