الله يخليكم أبي نصيحتكم لاتردوني

هلا بك شذى السوسن شوفي حبيبتي انا اذا سافرت لأهلي وهم قريب بالشرقيه لازم آخذ معاي علاجهم لأني عارفته أول ما اوصل أهلي وأجلس يومين لازم سبحان الله يتعبون فآخذ احتياط معي من العلاج وهو أهم شيء مثل تمبرا للحراره اكسيلين للكحه وترموميتر مقياس الحراره من علاجهم حق حساسية الصدر لاني ما أبي أغثهم أول ما أوصل ودوني وجيبوني خلاص عارفه العلاج
ونصحيتي لك اخذي معاكي حق الحراره والكحه والمقياس لانه لازم يتغير عليها الجو وبعدين هاذي صغيره حيل الله يعينك
ونصيحتي خليها عن أختك الخاله مثل الأم سبحان الله
وسفره ممتعه لكما انشاء الله الله الله بالهدايا ههههههه
:26: :26:

اختي العزيزة انه ماحبذ فكرت اني اسافر ومعاي طفل لاني رايحة استانس والطفل مابيخليني اخذ راحتي يعني يبي ينام وانه ادور فية بالشارع او بالمجمعات ويمكن يبيله تغيير حفاظ ويمكن يكون مريض او بطنه يعوره او شي ثاني بس اذا مالج حل غير ...مالج الا تودين معاج كل اغراض البيبي وثياب تناسب جوهم وقبعه حق راسه وقفازات لليدين والرجلين يعني تحصنينه وبندووول للاطفال اذا سخن...

والله يونسج بالرحله:26:

الله يعينج السفر مع طفل صغير متعب .. بس عني انا ما قدر اسافر بدون عيالي لاني ما راح استانس كل شوي اقعد اطالع في صورهم واصيح تقولين هندية ههههههههههه...
بالنسبه لماليزيا جوها معتدل شوي يميل للحرارة يعني ما فيه داعي للملابس الثقيلة.. اخذي معاج ادويتها اهمها خافض الحرارة و دوا الكحة ونقط الاملاح للانف في حال تسكر خشمها او زكمت وان شا الله ما تحتاجينها ..ولا تنسين المصاصة في الطيارة حزة الاقلاع و الهبوط علشان ما تتسكر اذنها وتلعوزج .. وبعد خدي حلبيها و السيريلاك افضل لج .. اما البامبرز والمناديل الرطبة بتلقينه هناك في كل مكان .. اذا انتي كنسلت جنتنج يكون افضل لج لانها باردة عليها و يمكن تتعب و تتعبج .. واتمنى لج رحلة سعيدة .. واذا بغيتي تسالين عن شي ثاني انا حاضرة :26:

اهلين عزيزتي( مجده )الله يعطيك العافية ومشكورة حبيبتي
انا عارفة إن أختي بتحطها في عيونها بس أختي عندها بنت عمرها سنتين وتغير مره لما أمها تشيل بنتي وكذا مرة اجيي عليها وهي تدخل يدها في عيون بنتي هي هوايتها تطلع العيون حتىالعابها وعرايسها كلها بدون عيون يعني لو خليتها عند أختي ورجعت بلقى بنتي من غير عيون ههههههههههههه تخيلي
وبالنسبة للهدايا إبشري مايغلى عليك شي

اهين أختي (الماسةالسوداء)والله صادقة بس وش اسوي ما اقدر اصبر عنها وهي بعد متعلقة فيني
ومشكورة أختي على النصيحة

مرحبا أختي (خووووخة)والله صادقة وانا مثلك والله ما اقدر اتحمل وهي بعيدة عني ولا راح استانس الله يوفقك يارب ياعمري ويعطيك العافية بصراحة كنت قاعدة افكر في الطيارة لما اركب تتسكر إذني بس اكل علك وقاعدة افكر في بنتي شلون اسوي معاها وانتي ماقصرتي اعطيتيني الحل

بس حبيتي ابي اسأل بامبرز اكيد موجودة في ماليزيا يعني ما يحتاج اخذ معي بامبرز لانها بتضيق علينا ؟

مرحبا اختي شذى السوسن
بغيت اقولج احسن خذي معاج بامبرز انا كنت افرشه في قاع الشنطه احسن من انج تجربيلها وتحسسن بسم الله عليه وخذي معج كريم لحساسية البامبرز لاحظت في عيالي ف سنغفورا يوم نرجع من برع حبوب حمرا ف ظهرههم قمت اسبحهم اول ما ندخل من برا بدون غسل الشعر الظاهر الحبوب من الرطوبه استعملت كريم درابولين
اذا بنتج تعطينها وجبات انا اخذ معي قدر صغير بالكهرب اسلق في رز او خضار او تفاح مسلوق واخلطه بالخلاط في خلاط صغير خاص بالبيبي ما احب ف السفر اعطي عيالي اكل برع
ودايما يوم تطلعين حاولي تكون اغراض البيبي كامله معاج لان الواحد ساعت يتاخر انا كنت اخلط الاكل واحطه في علبه صغيره متى ما يجوع البيبي اعطيه
وسامحيني ع الاطاله واذا ف اي سؤال حاضرين