الله يخليكم إلي جربت الزعتر وزيت الخروع تدخل

ياختي انا بحملي الاول كنت داخله العاشر لي اسبوع..والدكتورة ودها تولدني وترتاح..قالت لي على الخروع..وشربت علبة كاملة..وجاني مغص وطلق...لكن مافدني بشئ جلست اطلق حوالي 6 ساعات والرحم ما ينفتح الا 1 سم..ولما كشفوا علي قالوا اصلا لازم عملية الحوض ضيق..يعني ولدت قيصري..وما فادني الخروع الا بالمغص..
نصيحة لا تشربينه والله ماله فايده..وانت توك..بالتاسع..انا وش اقول اجل اخذت من العاشر اسبوعين..ولا طلوق ولا شئ..ومافكرت اخذ خروع ابدا..

انا خلصت التاسع دخلت العاشر وشربت قرفة بس مافيه فائدة

ونفسي اولد قبل رمضان زيك بس التساهيل من رب العالمين

والله يقومنا بالسلامة ان شاء الله

انا جربت الزعتر ممتاز

طيعي شوري..لاتشربين شئ..
ربي يبي يسهلها باذنه سبحانه..كل اللي استعملوا هالاشياء جتهم طلوق من غير ماينفتح الرحم:(
الا التمر ممتاز..اذا بدا معك الطلق كولي تمر ..كثيرين يمدحونه ويعجل الولاده..
الله يهون عليك وعلى كل مسلمة..:26:

السلام عليكم
اذكروا الله
لا إلـــــه إلا الله مـــحمد رســـول الله عليه أفضل الصلاة وأتم التسليم





راح أقولك تجربتي ........
ــــــــــــــــــــــــــــــــ
من أول مايدخل التاسع أبدأ أمشي باليوم كيلوين وأشرب ( قرفه - كمون - يانسون )كل يوم على الحاله

وصراحه أكمل التاسع وزود أسبوع بس لاحسيت انه بدا الطلق ماروح على طول للمستشفى لين يصير الطلق متقارب

بالحيل أشعل على الفحم وأحط عليه كمون وأتدخن فيه وأنتم بكرامه وأضع فوطه صحيه بعدين أروح للمستشفى

وأنا خلاص واصله حدي واذا كشفت على الدكتوره تبغي تشوف كم سم منفتح تصرخ علي تقولي خلاص ولاده ليش

جايه متأخره يعني يكون الرحم مفتوح على الآخر وأكون رابطه معي بشاش حلتيته وأشمها كل شوي عشان

الممرضات وعطوراتهن لأنه إذا كان الرحم مفتوح وشميتي عطر يتسكر الرحم على طول والتساهيل من رب العالمين.......

أتمنى أكون أفدتك بتجربتي.....

ــــــــــــــــــــــــــــــ
ملاحظه ..... أشوفكم كلكم تشربون أشياء تسرع الطلق ويذبحكم الطلق والرحم مقفل وتنسون تدخنون عشان ينفتح الرحم بسرعه.
ـــــــــــــــــــــــــــــــــ

والله يسهل على كل الحوامل ويرزق اللي ماعندهن عيال وان شاء الله قريب نسمع أخبار طيبه
آمين