السلام عليكم ورحمة الله وبركاته
كيفكم ياامهات وكيف اولادكم ان شالله صحتهم والحمدلله تمام
ابغا منكم طلب بسيط عندي ولدي عمرو 4 سنوات اكتشفت انه عندو طيف توحد وفرط حركة واستيعابو ضعيف ومتاخر في الكلام وكانو طفل عمرو سنة ونص
ابغا منكم تدعو انه ربي يرفع عنو ويصير طفل طبيعي وربي اني مانام الليل وانا افكر و ابكي وادعي ربي انه تكون اهون الهموم على قلبي وعليا وعلى ابوه كل بالي تفكير في دكاترة وعلاجات واشعة لانه الطبيب قال لازم نعملو تخطيط للمخ ونشوف ايش السبب يمكن من المخ وهل حايستجيب للعلاج هل حايتحسن هل حاشوفو يناديني ماما تعالي ابغاكي وينادي اخوه ويتكلم معاه
ولدي الكبير يقولي ماما متى خالد يكبر ويتكلم معايا :06:
لانه شايفو صغيييير بحركاتو وانه مايتكلم ولو قال كلمة نفرح بس يقولولها يرددها من غير مايستوعب معناها
السنة الجاية المفروض يكون روضة وخايفة انه مااقدر اسجلو عشان حالتو خايفة يتعبني في الدراسة وفي المستقبل
ابغا منكم دعوة تعرفو دعوة الاخ لاخوه المسلم في غيابو باذن الله مستجابة
حاتقولولي ليش ماوديتو من اول والله يابنات عشان الظروف المادية والمستشفيات الحكومية مواعيدهم بتطول بقووووة
charming_roro @charming_roro
كبيرة محررات
يلزم عليك تسجيل الدخول أولًا لكتابة تعليق.
لا اله الا انت سبحانك اني كنت من الظالمينلا اله الا انت سبحانك اني كنت من الظالمين
الله يشفيه
ممكن توصفيلي حالة ولدك ولدي فعمره ومتاخر فالكلام
ممكن توصفيلي حالة ولدك ولدي فعمره ومتاخر فالكلام
الله يشفيه ممكن توصفيلي حالة ولدك ولدي فعمره ومتاخر فالكلامالله يشفيه ممكن توصفيلي حالة ولدك ولدي فعمره ومتاخر فالكلام
اول شي ابني وهو صغير كان طبيعي ولما وصل عمر السنتين بدا ينسى الكلمات اللي اتعلمها كان بس كلمات وبعدها صار حب يلعب لوحدو ومايحب الناس كثير والزحمة دي من علامات التوحد وغير كده حركتو كثيييرة ودايما وصف فرط الحركة كانو طفل مستعجل وقلقان ومندفع في نفس الوقت مايخاف يعني ممكن يرمي نفسو من مكان عالي لا سمح الله
ولدي استيعابو وتفكيرو اقل من عمرو يعني في عمرو يفهم ويعرف الاشياء ولدي اشياء بسيطة يعرفها زي الحمام منديل سيارة عصاية ولما اتكلم معاه مايفهم يطالع فيا واحيانا يفكرني العب معاه لما اتكلم معاه يروح يجري الله يحميه امسكو بالقوة اجلسو عشان اتكلم معاه لانه الدكتور طلب مني احاول اجلسو واتكلم معاه
انا اللي مخوفني اكثر من التوحد استيعابو
وفي نفس الوقت ذكي من نواحي ثانية
انا في البداية اخدتو لدكتور شخص حالتو عمل اختبار ذكاء سالنا اسئلة عنو وجاوبنا عليها وجمع الدرجات وطلع عندو طيف توحد يعني شي خفيف جدا وفرط حركة وقلة استيعاب وطلب مني اني اعالج فرط الحركة اول عشان نقدر نبدا معاه جلسات مخاطبة بس امس رحت لاستشاري كبير اسمو عبدالعزيز زمزمي تخصصو مخ واعصاب قال لازم نعملو تخطيط للمخ عشان نعرف ايش في لانه ينسى وما بيتكلم كمان وبعدها نقدر نحكم اذا يبغالو جلسات تخاطب او لا ونشوف ايش نعطيه ادوية وان شالله الاثنين الجاي باسويلو التخطيط بس ادعو الله يريح قلبي
بالنسبة للكلام يقول كلمات ويرددها كانو بغبغان يعني مو فاهم معناها بس بعض الكلمات يفهمها بس شي بسيط
كانه طفل بدا يحاول يتكلم
ولدي استيعابو وتفكيرو اقل من عمرو يعني في عمرو يفهم ويعرف الاشياء ولدي اشياء بسيطة يعرفها زي الحمام منديل سيارة عصاية ولما اتكلم معاه مايفهم يطالع فيا واحيانا يفكرني العب معاه لما اتكلم معاه يروح يجري الله يحميه امسكو بالقوة اجلسو عشان اتكلم معاه لانه الدكتور طلب مني احاول اجلسو واتكلم معاه
انا اللي مخوفني اكثر من التوحد استيعابو
وفي نفس الوقت ذكي من نواحي ثانية
انا في البداية اخدتو لدكتور شخص حالتو عمل اختبار ذكاء سالنا اسئلة عنو وجاوبنا عليها وجمع الدرجات وطلع عندو طيف توحد يعني شي خفيف جدا وفرط حركة وقلة استيعاب وطلب مني اني اعالج فرط الحركة اول عشان نقدر نبدا معاه جلسات مخاطبة بس امس رحت لاستشاري كبير اسمو عبدالعزيز زمزمي تخصصو مخ واعصاب قال لازم نعملو تخطيط للمخ عشان نعرف ايش في لانه ينسى وما بيتكلم كمان وبعدها نقدر نحكم اذا يبغالو جلسات تخاطب او لا ونشوف ايش نعطيه ادوية وان شالله الاثنين الجاي باسويلو التخطيط بس ادعو الله يريح قلبي
بالنسبة للكلام يقول كلمات ويرددها كانو بغبغان يعني مو فاهم معناها بس بعض الكلمات يفهمها بس شي بسيط
كانه طفل بدا يحاول يتكلم
الصفحة الأخيرة
وياارب الدكتاترة يساعدوكي في علاجه
وتشوفيه فصيح اللسان وبالغ وعاقل وووووكل ماتتمنييه يااارب
قلبي معاكي