الله يخليكم ابي علاج للثعلبه حق بنتي الصغيره

انا صار لي مثل كذا ورحت دكتور اعطاني ابر كورتيزون براسي وتراها مو مؤلمه يعني الم بسيط ماا يذكر بس اللهم لك الحمد رجعت شعيراتي مثل اول وعلى فكره الدكتور قال لي بعد ماتاخذي الابره بكم يوم انتي دلكي المكان اللي مافيه شعر بفص ثوم اقسميه نصين وادعكي لد ماتشوفي الفروة صار لونها وردي مو احمر وبعدها وقفي يعني سويه كم مره باليوم وبالنسبه للريحه انا قبل اتحمم احط عليه حمام زيت لمده ربع والا نص ساعه واتحمم وماا يبين انه كان بشعري ريحه ثوووم ابدن
اقلقت زوجي وانا كل شوي حاطه شوشتي بخشمه اقول انت تشم في شعري شي اذا فيه قوول لي
<<موسووووسه
بس والله ما يبين اثر انا اخذت الابر يمكن خمس او اربع مرات بين كل وحده والثانيه اسبوعين ثلاثه
بس لا تستعجلي النتيجه يعني يبي لك شهرين ثلاثه لحد ما تبين النتيجه ويطلع الشعر الجديد

>>قصه حياتي


الف الف سلامه على بنتك وما تشووف شر

اختي انا في هذي الإجازة صار عندي ثعلبة لكن الله العالم انها عين طبعا رحت لطبيب جلديه وعطاني ابر في الأماكن الخاليه وبين كل جلسه والثانيه اسبوعين ( 3 جلسات ) وعطاني انبولات فيها محلول افرك فيه البقع واعطاني بخاخ وشامبو خاص وبعد الجلسه الأولى بيومين استعملت علاج العين والسحر ( الملح والشبه والسدر ) ولما رحت للموعد الثاني انبهر الطبيب من النتائج وكان الشعر الجديد زي الرموش تقريبا والحمد لله على كل حال

اخلطي نص كوب زيت زيتون مقري فيه اقري فيه بنية الشفاء مع ملعقه من مطحون حبة البركه((السويده_الحبه السوداء)) و ادهني فيه المكان كل يوم مرتين و شوفي عجب العجااااب ..على فكره اذا بنتك تروشت اخلطي ملعقة عسل مع بطل ماي و كبيه على شعرها و اذا عندك ماي زمزم خليها تشرب و انوي لها انها تشفى و مسحي على الثعلبه و باذن الله ما يمر اسبوعين الا و تشوفين الشعر بادي يطلع

و بشرينييي

أختي يمدحون القطران وهو من عند العطار يدهن به المكان يوميا وبأذن الله يطلع الشعروعلى فكرة ترى ريحته مهي زينه 00أتمنى لها الشفاء العاجل

الله يعطيكم العافيه اخواتي ويبارك فيكم هذا عشمي فيكم الردود المفيده الله يوفقكم
الله يجزاكم الجنه
انشاء الله اجرب وصفة الاخت اسأل مجرب لانه فعلا راح عن بالي النفس والعين الله يجزاك الجنه
البنت شعرها حرير وطويل شوي (ماهي مثل امها مكششه )ماشاء الله لاقوة إلا بالله
اخواتي الله يجزاهم الجنه ام فصولي اغلاهم وغاية المنى على ردودكم وتجاوبكم معي بس البنت ماتبي ثوم علشان ريحته بهدلتنا والأبر يبي لي اثنين يبطحوها معي الله يعينا بس وصفة الأخت اسأل مجرب راح ابدا فيها من اليوم ويعطيكم العافيه :( :16: :27: