20غريبة الليالي20 @20ghryb_allyaly20
عضوة نشيطة
الله يخليكم ادخلوا لأني بحيرةمايعلم فيهاالا الله ومالي الاانتم تشورون علي في امرمصيري
السلام عليكم ورحمة الله وبركاته
انا ماراح اطول عليكم وبدخل بالموضوع على طووول
والله اني ماكتبت موضوعي الا اني محتاجه نصائحكم ودعواتكم ولأني استفدت كثير من خبراتكم وتجاربكم بالحياة حبيت اطرح موضوعي وياليت تنصحوني وتشورون علي لأني محتاره ومتردده والموضوع مصيري
القصه اني كنت عايشه في منطقه انا واهلي وعشنافيها 17سنه حياه مريره وامراض ومآسي مايعلم فيها الا الله يعني ترسبت في ذاكرتي كل الذكريات المحزنه ولأني البنت الكبيره فتحملت القسم الاكبر من الاوجاع والالم ومعروف ان البنت الكبيره عليه مسؤليه عظيمه فربيت اخواني احسن تربيه ولله الحمد مع العلم ان امي مريضه الله يشفيها فكان كل شي علي حتى لو احد قصر يلوموني واذا احد نجح يفرحون ويشكروني بس كانت نفسيتنا تعبانه لتعب امي وابوي
وبعد 17سنه قررنا اننا ننتقل لمنطقه ثانيه بعيده من المنطقه الاولى والله العظيم انه تغيرت احوالنا 180 درجه واقسم بالله ان امي تعافت وتحسنت وابوي نفس الشي والله رزقنا وتوظفت واستقريت ومرتاحه بوظيفتي واخواني تفوقوا بدراستهم يعني زانت احوالنا ولله الحمد
الحين انا عمري 30سنه وتقدم لي واحد من نفس المنطقه اللي عشت فيها اتعس ايام حياتي والشاب اكبر مني ومحافظ على وظيفته واخلاقه زينه بس مشكلته انه يبيني انقل عنده وانا ماصدقت اني افتك من الماضي وماادري اذا يبون ينقلوني اني اصير قريبه من بيتي او اتبهذل بالقرى والنقل
وابوي يقول يابنتي انا ماودي اقطع نصيبك وبنفس الوقت مابيك تتبهذلين بالنقل وتبعدين عننا
يابنات انا متعلقه باهلي كثير واهلي نفس الشي تمنيت يجيني واحد من نفس منطقتي حتى مابعد عن اهلي
شوروا علي وانصحوني ابوي عطا كلمه للناس وسويت التحليل لكن ماطلع الى الان وانا محتاره واخاف يجون هالاسبوع ويملكون شوروا علي الله يخليكم اتراجع عن الخطبه او اني اوافق وارضى بنصيبي وكيف اكيف نفسي مع الوضع الجديد والله اني ماني قادره لاهلي اي شي وكل يوم اصيح على مخدتي لحد ماغرقت من الدموع واقوم ضايق صدري واصلي واستخير وادعي ربي انه يقدم لي كل خير بس محتاجه احد يقنعني انا صح او خطا انا مكبره الموضوع وهو مايستاهل او اني من كث تعلقي باهلي صارت هذي مشاعري :44:
وبسال كل اللي تزوجو وسكنوا بعيد عن اهلهم هل الامر عادي او هذا ينعكس على حياتكم ؟
الله يخليكم ردوا علي ولكم مني دعوات في جوف الليل الامر مصيري والاسبوع هذا يمكن تتم الملكة:time: وانا خايفه اتراجع بعد الملكه واكسب لقب مطلقه ؟
ســــــــــاعدوووووني:icon33:
44
3K
يلزم عليك تسجيل الدخول أولًا لكتابة تعليق.
أم شــــهـــد
•
الله يكتبلك اللي فيه الخير
ياختي ماحد بيده القرار .. كل شي بيد الله .. والحاسم في الامر هو الاستخاره استخيري وخلي الامور زي ماهي تمشي ان كان هو الخير لك بيمشي الامر وان كان شر بيجي شي يصرفه عنك باذن الله .. بس خلي ثقتك بالله قويه وايقني ان الامر بيد الله سبحانه..
الله يوفقنا واياك لمافيه الخير ..
الله يوفقنا واياك لمافيه الخير ..
الصفحة الأخيرة